തിരുവനന്തപുരം: യുഡിഎഫിന്റെ സ്‌ഥാനാര്‍ഥി പട്ടിക അടുത്തയാഴ്‌ച പുറത്തിറക്കുമെന്ന് ഉമ്മന്‍ചാണ്ടി. നിലവിലെ സാഹചര്യം മനസിലാക്കി ഘടക കക്ഷികള്‍ വിട്ടുവീഴ്‌ച ചെയ്യണം. യുഡിഎഫിന് ഭൂരിപക്ഷം കിട്ടിയാല്‍ മുഖ്യമന്ത്രിയെ ഹൈക്കമാന്‍ഡ് നിശ്‌ചയിക്കുമെന്നും അദ്ദേഹം പറഞ്ഞു.
മാണി സി കാപ്പന്റെ കാര്യത്തില്‍ തീരുമാനമെടുക്കേണ്ടത് യുഡിഎഫാണ്. നിയമസഭാ തിരഞ്ഞെടുപ്പില്‍ യുഡിഎഫ് പ്രതീക്ഷയിലാണ്. സീറ്റ് വിഭജനം വേഗം പൂര്‍ത്തിയാക്കും. സീറ്റുകളുടെ കാര്യത്തില്‍ ഘടകക്ഷികള്‍ അടക്കം വിട്ടുവീഴ്‌ച ചെയ്യേണ്ടി വരും.
രാഹുല്‍ ഗാന്ധി കൂടുതല്‍ സമയം കേരളത്തില്‍ പ്രചാരണ രംഗത്ത് ഉണ്ടാകും. മകന്‍ ചാണ്ടി ഉമ്മന്‍ ഇത്തവണ മൽസരിക്കാനില്ലെന്നും ഉമ്മന്‍ചാണ്ടി തിരുവനന്തപുരത്ത് പറഞ്ഞു.
Also Read: നയം മാറ്റിയാൽ മുസ്‌ലിം ലീഗിനെ സ്വീകരിക്കും; നിലപാട് മാറ്റി കെ സുരേന്ദ്രൻ
