കൊച്ചി: യുഡിഎഫ് സീറ്റ് വിഭജനവുമായി ബന്ധപ്പെട്ട് രണ്ടാം ഘട്ട ചർച്ച മറ്റന്നാൾ കൊച്ചിയിൽ ചേരും. മുസ്ലിം ലീഗ്, കേരള കോൺഗ്രസ് ജോസഫ് വിഭാഗം തുടങ്ങിയ കക്ഷികളുമായുള്ള സീറ്റു വിഭജന ചർച്ചകളാണ് നടക്കുക. പിസി ജോർജിനെ മുന്നണിയുമായി സഹകരിപ്പിക്കുന്ന കാര്യം വീണ്ടും ചർച്ച ചെയ്യുമെന്നാണ് സൂചന.
രമേശ് ചെന്നിത്തലയുടെ ഐശ്വര്യ കേരള യാത്ര കൊച്ചിയിൽ എത്തുന്നതോടെ മുസ്ലിം ലീഗ്, കേരള കോൺഗ്രസ് ജോസഫ് വിഭാഗം നേതാക്കളോട് ചർച്ചക്കെത്താനാണ് നിർദ്ദേശം. സീറ്റു വിഭജനം സംബന്ധിച്ച ചർച്ചകൾ പത്തു ദിവസത്തിനകം പൂർത്തിയാക്കാൻ സാധിക്കുമെന്നാണ് യുഡിഎഫ് നേതൃത്വത്തിന്റെ പ്രതീക്ഷ. പരസ്യമായ സീറ്റുതർക്കങ്ങൾ ഒഴിവാക്കണമെന്ന് നേരത്തെ തന്നെ ഘടകകക്ഷികളോട് നിർദേശം നൽകിയിരുന്നു.
Read also: പണം തട്ടിയെന്ന പരാതി; സണ്ണി ലിയോൺ മുൻകൂർ ജാമ്യാപേക്ഷ സമർപ്പിച്ചു