വാഷിംഗ്‌ടൺ: യുദ്ധത്തിൽ ദുരിതം അനുഭവിക്കുന്ന യുക്രൈനിലേക്ക് ഉന്നതതല ഉദ്യോഗസ്‌ഥരെ അയക്കാൻ യുഎസ് ആലോചിക്കുന്നതായി റിപ്പോർട്ടുകൾ. യുക്രൈൻ പ്രസിഡണ്ട് വ്‌ളോഡിമിർ സെലെൻസ്‌കിയെ കാണാൻ അയക്കുന്ന സംഘത്തിൽ യുഎസ് പ്രസിഡണ്ട് ജോ ബൈഡനോ വൈസ് പ്രസിഡണ്ട് കമലാ ഹാരിസോ ഉണ്ടാകുമെന്നും റിപ്പോർട്ടിൽ പറയുന്നു.
അതേസമയം, സ്‌റ്റേറ്റ് സെക്രട്ടറി ആന്റണി ബ്ളിങ്കെനോ അല്ലെങ്കിൽ പ്രതിരോധ സെക്രട്ടറി ലോയ്‌ഡ് ഓസ്‌റ്റിനോ സംഘത്തിന്റെ നേതൃത്വം ഏറ്റെടുക്കാനുള്ള സാധ്യതയും റിപ്പോർട്ട് തള്ളിക്കളയുന്നില്ല. നിരവധി യൂറോപ്യൻ രാഷ്‌ട്രത്തലവൻമാരും സർക്കാർ തലവൻമാരും പ്രസിഡണ്ട് സെലെൻസ്‌കിയെ കാണാൻ യുക്രൈൻ തലസ്‌ഥാനമായ കീവ് സന്ദർശിച്ച സാഹചര്യത്തിലാണ് റിപ്പോർട്ടുകൾ വരുന്നത്.
President Joe Biden and Vice President Kamala Harris remain candidates to represent the U.S., but it is more likely an official like Secretary of State Antony Blinken or Defense Secretary Lloyd Austin will go, the officials said.
— The Kyiv Independent (@KyivIndependent) April 14, 2022
Most Read: വാട്‌സാപ്പിനെ വെല്ലാൻ ഗൂഗിൾ ‘അല്ലോ’ വീണ്ടും വരുന്നോ?
