കളമശ്ശേരി: ഇടപ്പള്ളി ലുലു മാളിൽ തമിഴ്നാട് സ്വദേശിയായ വിദ്യാർഥിനിയെ കയറിപ്പിടിച്ചയാളെ കളമശ്ശേരി പോലീസ് അറസ്റ്റ് ചെയ്തു. കൊടുങ്ങലൂർ കല്ലുമഠത്തിൽ ധനേഷ് ധനപാലനാണ് (44) അറസ്റ്റിലായത്. വിനോദയാത്രയുടെ ഭാഗമായി ലുലു മാളിൽ എത്തിയതായിരുന്നു വിദ്യാർഥിനി.
ഇന്നലെ വൈകിട്ടായിരുന്നു സംഭവം. കേരളത്തിലെ പലയിടങ്ങളും സന്ദർശിച്ച ശേഷം പ്ളസ് ടു വിദ്യാർഥിനിയും സംഘവും ലുലു മാളിൽ എത്തിയ സമയം കെജിഎഫ് സിനിമയുടെ പ്രമോഷനുമായി ബന്ധപ്പെട്ട് നടൻ യാഷ് ഇവിടെ എത്തിയിരുന്നു. ഈ തിരക്കിനിടെയാണ് ഇയാൾ പെൺകുട്ടിയെ ഉപദ്രവിച്ചത്.
ശല്യം സഹിക്കാൻ വയ്യാതെ സ്ഥലത്ത് നിന്ന് ഒഴിഞ്ഞുമാറിയെങ്കിലും ഇയാൾ പെൺകുട്ടിയെ പിന്തുടർന്ന് ഉപദ്രവിക്കുകയായിരുന്നു. തുടർന്ന് പെൺകുട്ടി ബഹളം വെക്കുകയും വിവരമറിഞ്ഞ് സ്ഥലത്തെത്തിയ പോലീസ് പ്രതിയെ അറസ്റ്റ് ചെയ്യുകയുമായിരുന്നു. കൊടുങ്ങല്ലൂരിൽ ബാറ്ററി ഷോപ്പ് നടത്തുന്നയാളാണ് ധനേഷ്. ഇയാളെ റിമാൻഡ് ചെയ്തു.
Most Read: രേഖകൾ നശിപ്പിക്കുമ്പോൾ ദിലീപ് ഒപ്പമുണ്ടായിരുന്നു; നേരിട്ട് ബന്ധമില്ലെന്നും സായ് ശങ്കർ