മസ്കറ്റ്: ഒമാനിലെ വിമാനത്താവളങ്ങള് വഴി യാത്ര ചെയ്യുന്നവരുടെ എണ്ണം കുത്തനെ ഇടിഞ്ഞതായി റിപ്പോർട്. 2020 ഡിസംബറില് 70 ശതമാനത്തിലേറെ കുറവാണ് സന്ദര്ശകരുടെ എണ്ണത്തില് ഉണ്ടായത് എന്ന് റിപ്പോർട് വ്യക്തമാക്കുന്നു.
രാജ്യത്തെ വിവിധ വിമാനത്താവളങ്ങള് വഴി സഞ്ചരിക്കുന്ന യാത്രക്കാരുടെ എണ്ണം 2020 ഡിസംബര് അവസാനത്തോടെ 74.3 ശതമാനം കുറഞ്ഞെന്ന് ഒമാന് ന്യൂസ് ഏജന്സിയുടെ റിപ്പോര്ട്ടില് പറയുന്നു. ദേശീയ സ്ഥിതി വിവര കേന്ദ്രത്തിന്റെ പ്രാഥമിക വിവരങ്ങള് അനുസരിച്ച് സന്ദര്ശകരുടെ എണ്ണം 4,565,676 ആയി.
2020 ഡിസംബര് അവസാനം വരെയുള്ള കണക്കുകള് അനുസരിച്ച് 39,353 ട്രിപ്പുകളാണ് വിമാനങ്ങൾ നടത്തിയത്. 2019നെ അപേക്ഷിച്ച് ഇത് വളരെ കുറവാണെന്ന് റിപോർട്ടുകൾ വ്യക്തമാക്കുന്നു. 2020 ഡിസംബറില് ഇന്ത്യ, ബംഗ്ളാദേശ്, പാകിസ്ഥാൻ എന്നീ രാജ്യങ്ങളിൽ നിന്നുള്ള യാത്രക്കാരാണ് കൂടുതലായും മസ്കറ്റ് വിമാനത്താവളം വഴി സഞ്ചരിച്ചത്.
Also Read: സഞ്ചരിക്കുന്ന കോവിഡ് വാക്സിൻ ക്ളിനിക് ദുബായിൽ പ്രവർത്തനം തുടങ്ങി