തിരുവനന്തപുരം: തലസ്ഥാനത്ത് എല്ഡിഎഫ്-ബിജെപി കൂട്ടുകെട്ടെന്ന് യുഡിഎഫ് സ്ഥാനാർഥി വിഎസ് ശിവകുമാര്. ജനവിധി അട്ടിമറിക്കുകയെന്ന ലക്ഷ്യത്തോടെയാണിത്. സിപിഎം വോട്ടുകള് നല്കിക്കൊണ്ട് ബിജെപി സ്ഥാനാർഥിയെ വിജയിപ്പിക്കാനുള്ള നീക്കമാണ് നടക്കുന്നത്. എന്നാല് ഇതിനെ യുഡിഎഫ് അതിജീവിക്കുമെന്നും വോട്ടര്മാര് മറുപടി നല്കുമെന്നും വിഎസ് ശിവകുമാര് പറഞ്ഞു.
തീരമേഖലയില് യുഡിഎഫിന് വലിയ മേല്ക്കൈയാണുള്ളത്. ബിജെപി സ്ഥാനാർഥിയെ വിജയിപ്പിക്കുന്നതിന് സിപിഎം ഒരു അന്തര്ധാര ഉണ്ടാക്കിയിട്ടുണ്ട്. തിരഞ്ഞെടുപ്പില് മൽസരിക്കുമ്പോള് മാത്രം വന്ന് ജനങ്ങളോട് വോട്ട് ചോദിക്കുന്നയാളല്ല ഞാന്. യുഡിഎഫ് വിജയിക്കുമെന്ന് ഉറപ്പുള്ളതുകൊണ്ട് അതിനെ അട്ടിമറിക്കുന്നതിനുള്ള ശ്രമങ്ങളാണ് നിലവില് നടക്കുന്നതെന്നും വിഎസ് ശിവകുമാര് പറഞ്ഞു.
Read Also: പ്രചാരണത്തിനായി രാഹുല് ഗാന്ധി ഇന്ന് കോഴിക്കോടും കണ്ണൂരും എത്തും