കോഴിക്കോട്: തിരഞ്ഞെടുപ്പ് പ്രചാരണത്തിനായി രാഹുല്‍ ഗാന്ധി ഇന്ന് കോഴിക്കോടെത്തും. കോഴിക്കോടും കണ്ണൂരുമാണ് രാഹുലിന് പ്രചരണ പരിപാടികളുള്ളത്. ഞായറാഴ്‌ച വൈകിട്ടോടെ രാഹുൽ തിരുവനന്തപുരത്തും പ്രചാരണത്തിനായി എത്തും.
കെ മുരളീധരനായി നേമത്താണ് രാഹുല്‍ ഗാന്ധി പ്രചാരണത്തിന് ഇറങ്ങുന്നത്. കേരളത്തിൽ ബിജെപിയുടെ ഏക സീറ്റായ നേമം മണ്ഡ‍ലം പിടിച്ചെടുക്കാനായി പോരാട്ടത്തിനിറങ്ങിയ കെ മുരളീധരന് ആവശ്യപ്പെട്ടതനുസരിച്ച് പ്രിയങ്ക ഗാന്ധിയാണ് നേമത്ത് എത്താമെന്ന് അറിയിച്ചിരുന്നത്.
എന്നാൽ പ്രിയങ്ക കോവിഡ് നിരീക്ഷണത്തിൽ ആയതോടെയാണ് രാഹുൽ എത്തുന്നത്. ഞായറാഴ്‌ച അഞ്ച് മണിക്ക് പൂജപ്പുരയിൽ നടക്കുന്ന പ്രചരണ യോഗത്തിലാകും നേമം സ്‌ഥാനാ‍ർഥി കെ മുരളീധരന് വേണ്ടി കോൺഗ്രസ് മുൻ അധ്യക്ഷൻ വോട്ട് ചോദിക്കുക.
National News: കേന്ദ്ര ആഭ്യന്തരമന്ത്രി അമിത് ഷാ ഇന്ന് തമിഴ്‌നാട്ടില്‍
