കൊച്ചി: സ്പീക്കർ പി ശ്രീരാമകൃഷ്ണന് നേരെ കരിങ്കൊടി പ്രതിഷേധവുമായി യൂത്ത് കോണ്ഗ്രസ്. കൊച്ചിയില് വച്ചാണ് യൂത്ത് കോണ്ഗ്രസ് പ്രവര്ത്തകര് കരിങ്കൊടി കാട്ടിയത്. വാഹനത്തിന് മുന്നില് കിടന്ന പ്രതിഷേധിച്ച പ്രവര്ത്തകരെ പോലീസ് നീക്കം ചെയ്തു . സ്വര്ണക്കടത്ത്, നിയമന വിവാദം എന്നീ വിഷയങ്ങള് ഉയര്ത്തി ആയിരുന്നു യൂത്ത് കോണ്ഗ്രസിന്റെ പ്രതിഷേധം.
സ്വർണക്കടത്ത് പ്രതികൾക്ക് ഒത്താശ ചെയ്ത സ്പീക്കർ രാജി വെക്കണമെന്ന് പ്രതിഷേധകർ ആവശ്യപ്പെട്ടു. റോട്ടറി ക്ളബ്ബിന്റെ പരിപാടിയിൽ പങ്കെടുത്ത് മടങ്ങുകയായിരുന്നു സ്പീക്കർ.
Also Read: കേരളത്തിൽ അനധികൃത നിയമനങ്ങളുടെ കുംഭമേള; ചെന്നിത്തല