കോഴിക്കോട്: 50 കിലോയിലധികം സ്വർണവുമായി രണ്ട് രാജസ്ഥാൻ സ്വദേശികൾ കോഴിക്കോട് റെയിൽവേ സ്റ്റേഷനിൽ പിടിയിൽ. വ്യാഴാഴ്ച രാത്രി സ്റ്റേഷനിൽ എത്തിയ മംഗള എക്സ്പ്രസിൽ നിന്നാണ് സ്വർണം കണ്ടെത്തിയത്. പിടിയിലായവർ സഹോദരങ്ങളാണ്. കൂടുതൽ അന്വേഷണത്തിനായി ഇവരെ ജിഎസ്ടി ഉദ്യോഗസ്ഥർക്ക് കൈമാറി.
പിടികൂടിയ സ്വർണത്തിന് ബില്ലുണ്ടെന്ന് അറിയിച്ചെങ്കിലും ഇത്രയധികം സ്വർണത്തിന് ഡയറക്ട് ജിഎസ്ടി ബിൽ നൽകാറില്ലെന്ന് റെയിൽവേ പോലീസ് അറിയിച്ചു. ഇതിനെ തുടർന്നാണ് കൂടുതൽ അന്വേഷണത്തിനായി ഇവരെ ജിഎസ്ടി വിഭാഗത്തിന് കൈമാറിയത്.
Read also: തുടർച്ചയായി രണ്ടാം ദിവസവും നൗബഗ് ത്രാലിൽ ഏറ്റുമുട്ടൽ; 3 ഭീകരരെ വധിച്ചു