തിരുവനന്തപുരം: സംസ്ഥാനത്ത് 2 ലക്ഷം ഡോസ് കോവാക്സിന് കൂടി എത്തിയതായി ആരോഗ്യവകുപ്പ് മന്ത്രി കെകെ ശൈലജ അറിയിച്ചു. തിരുവനന്തപുരത്ത് 68,000 ഡോസ് വാക്സിനുകളും എറണാകുളത്ത് 78,000 ഡോസ് വാക്സിനുകളും കോഴിക്കോട് 54,000 ഡോസ് വാക്സിനുകളുമാണ് എത്തിച്ചത്.
കൂടുതല് കോവിഡ് വാക്സിനുകള് സംസ്ഥാനത്തിന് ലഭ്യമാക്കാന് കേന്ദ്ര ആരോഗ്യമന്ത്രിക്ക് കത്തയച്ചതായി മുഖ്യമന്ത്രി പിണറായി വിജയന് നേരത്തെ അറിയിച്ചിരുന്നു. കൂടുതൽ വാക്സിന് ആവശ്യപ്പെട്ട് ചീഫ് സെക്രട്ടറിയും ആരോഗ്യവകുപ്പ് സെക്രട്ടറിയും കേന്ദ്ര ആരോഗ്യവകുപ്പിനെ ബന്ധപ്പെട്ടെങ്കിലും പുതിയ വാക്സിന് ഡോസുകള് ലഭ്യമായിരുന്നില്ല. ഈ സാഹചര്യത്തില് കേന്ദ്ര ആരോഗ്യവകുപ്പ് മന്ത്രിയെ നേരിട്ട് ഇക്കാര്യം കത്തു മുഖാന്തരം അറിയിക്കുകയായിരുന്നു.
50 ലക്ഷം ഡോസ് വാക്സിനാണ് ആവശ്യപ്പെട്ടത്. എത്രയും വേഗത്തില് ഇത് ലഭ്യമാക്കാന് കേന്ദ്ര സര്ക്കാര് നടപടികള് സ്വീകരിക്കുമെന്ന് പ്രതീക്ഷിക്കുന്നുവെന്നും മുഖ്യമന്ത്രി അറിയിച്ചിരുന്നു.
Read also: കോവിഡ് വ്യാപനം; ആശുപത്രി സന്ദര്ശനം ഒഴിവാക്കാന് വിപുലമായ സേവനങ്ങളുമായി ഇ-സഞ്ജീവനി