ആഗ്ര: താജ്മഹലില്‍ കാവിക്കൊടി വീശി ഹിന്ദു ജാഗരണ്‍ മഞ്ച് പ്രവര്‍ത്തകര്‍. സംഭവത്തില്‍ നാല് പേരെ സിഐഎസ്എഫ് പിടികൂടി പോലീസിന് കൈമാറി. ഒരുകൂട്ടമാളുകള്‍ താജ്മഹലിന് മുന്നില്‍ നിന്ന് കാവിക്കൊടി വീശുന്ന ദൃശ്യങ്ങള്‍ സമൂഹ മാദ്ധ്യമങ്ങളില്‍ വൈറലാണ്. ഹിന്ദു ജാഗരണ്‍ മഞ്ച് ജില്ല പ്രസിഡണ്ട് ഗൗരവ് താക്കൂറിന്റെ നേതൃത്വത്തിലായിരുന്നു കൊടി വീശിയത്. ഇവര്‍ക്കെതിരെ കേസെടുത്തിട്ടുണ്ട്.
തിങ്കളാഴ്‌ച ആയിരുന്നു സംഭവം നടന്നത്. താജ്മഹല്‍ ഹിന്ദു ക്ഷേത്രമാണെന്ന് ബിജെപി നേതാക്കള്‍ അവകാശം ഉന്നയിക്കുന്ന സാഹചര്യത്തിലാണ് ഹിന്ദു ജാഗരണ്‍ മഞ്ച് പ്രവര്‍ത്തകര്‍ കാവിക്കൊടി വീശിയത്. വീഡിയോയില്‍ നിന്നും കൊടി വീശിയത് ഹിന്ദു ജാഗരണ്‍ മഞ്ച് യൂത്ത് വിംഗ് ജില്ലാ പ്രസിഡണ്ട് ഗൗരവ് തല്‍വാര്‍, ഋഷി ലവാനിയ, സോനു ബാഗേല്‍, വിശേഷ് കുമാര്‍ എന്നിവരാണെന്ന് തിരിച്ചറിഞ്ഞതായി പോലീസ് അറിയിച്ചു.
These saffron goons need to be told that Taj Mahal is the most visited monument bringing in crores every year from tourism. Don’t even think of harming it!pic.twitter.com/Dq1RY7Kckx
— Ajay।अजय✋?️? (@MalabarHornbill) January 4, 2021
ഹിന്ദു ജാഗരണ്‍ മഞ്ച് ജില്ല പ്രസിഡണ്ട് ഗൗരവ് താക്കൂറിന്റെ നേതൃത്വത്തില്‍ കഴിഞ്ഞ ഒക്‌ടോബറില്‍ വിജയദശമി ദിനത്തിലും ഹിന്ദു ജാഗരണ്‍ മഞ്ച് പ്രവര്‍ത്തകര്‍ താജ്മഹലില്‍ അതിക്രമിച്ച് കയറി കൊടി ഉയര്‍ത്തിയിരുന്നു. താജ്മഹല്‍ യഥാര്‍ഥത്തില്‍ തേജോമഹാലയ എന്ന ശിവക്ഷേത്രമാണെന്നും സ്‌മാരകം ഹിന്ദുക്കള്‍ക്ക് കൈമാറാന്‍ സര്‍ക്കാര്‍ സമ്മതിക്കുന്നതുവരെ പോരാട്ടം തുടരുമെന്നുമാണ് അന്ന് ഗൗരവ് താക്കൂര്‍ പറഞ്ഞത്.
Read Also: തെറ്റ് ചെയ്‌തിട്ടില്ല, സുപ്രീം കോടതിയെ സമീപിക്കും; താഹാ ഫസല്‍
