തിരുവനന്തപുരം: സംസ്ഥാനത്ത് ഇന്ന് രണ്ട് പേര്ക്ക് കൂടി സിക വൈറസ് ബാധ സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. 38 വയസുള്ള നെടുങ്കാട് സ്വദേശിക്കും 52 വയസുള്ള ആനയറ സ്വദേശിനിക്കുമാണ് സിക വൈറസ് ബാധിച്ചത്.
തിരുവനന്തപുരം മെഡിക്കല് കോളേജിലെ വൈറോളജി ലാബില് നടത്തിയ പരിശോധനയിലാണ് രോഗം സ്ഥിരീകരിച്ചത്. ഇതോടെ സംസ്ഥാനത്ത് സിക വൈറസ് സ്ഥിരീകരിക്കുന്നവരുടെ എണ്ണം 30 ആയി. 10 പേരാണ് നിലവില് രോഗികളായുള്ളത്. ബാക്കിയുള്ളവര് രോഗമുക്തി നേടി.
Also Read: കടകൾ തുറക്കുന്നതിൽ മുഖ്യമന്ത്രിയുടെ തീരുമാനം അനുകൂലം; ഇനി സമരമില്ലെന്ന് വ്യാപാരികൾ