വളാഞ്ചേരി: നഗരസഭയെ സമ്പൂർണ ലഹരിമുക്തമാക്കുന്നതിന് മുനിസിപ്പൽ വിദ്യാഭ്യാസ സമിതി യോഗം കർമപദ്ധതി തയ്യാറാക്കി. ഒരു വർഷം നീണ്ടുനിൽക്കുന്ന ക്യാംപെയിനാണ് നടപ്പാക്കുക. ഇതിന്റെ പ്രചാരണാർഥം വിദ്യാർഥികൾ, സന്നദ്ധസംഘടനകൾ, കുടുംബശ്രീ, എസ്പിസി, സ്കൗട്ട്സ്, ആരോഗ്യപ്രവർത്തകർ, വ്യാപാരികൾ, ജനപ്രതിനിധികൾ എന്നിവരെ അണിനിരത്തി ജൂലായ് 14ന് ഉച്ചക്ക് രണ്ടിന് ബോധവൽകരണ പ്രചാരണ ഘോഷയാത്രയും പ്രഖ്യാപന സമ്മേളനവും നടത്തും.
തുടർന്ന് സ്കൂൾതലത്തിൽ പ്രതിരോധ ഗ്രൂപ്പുകൾ രൂപവൽക്കരിക്കും. പോലീസിന്റെയും എക്സൈസിന്റെയും പരിശോധന കർശനമാക്കും. നഗരസഭാധ്യക്ഷൻ അഷറഫ് അമ്പലത്തിങ്ങൽ ഉൽഘാടനം ചെയ്തു. വിദ്യാഭ്യാസ സ്ഥിരം സമിതി അധ്യക്ഷൻ മുജീബ് വാലാസി അധ്യക്ഷത വഹിച്ചു.
Most Read: ‘ഇലവീഴാപൂഞ്ചിറ’ ട്രെയ്ലറെത്തി; തകർപ്പൻ പ്രകടനവുമായി സൗബിൻ