വാഷിങ്ടൻ: ഹോർമുസ് കടലിടുക്ക് തുറക്കുന്നതുമായി ബന്ധപ്പെട്ട കരാർ പ്രഖ്യാപനം ഇന്ന് ഉണ്ടായേക്കുമെന്ന് യുഎസ് പ്രസിഡണ്ട് ഡൊണാൾഡ് ട്രംപ്. കടലിടുക്ക് തുറന്നില്ലെങ്കിൽ ഇറാനെ ശക്തമായി ആക്രമിക്കുമെന്നും ട്രംപ് മുന്നറിയിപ്പ് നൽകി. കടലിടുക്ക് തുറക്കുന്നത് സംബന്ധിച്ച ഇറാൻ-ഒമാൻ ചർച്ചയിൽ നിർണായക പുരോഗതിയുണ്ടായ സാഹചര്യത്തിലാണ് ട്രംപിന്റെ പ്രഖ്യാപനം.
ഇറാന്റെയും ഒമാന്റെയും പ്രാദേശിക സമുദ്രാതിർത്തികൾക്ക് ഇടയിലാണ് ഹോർമുസ്. കടലിടുക്കിലെ ഇറാന്റെ നിയന്ത്രണത്തിലുള്ള പാതയിലൂടെ പേർഷ്യൻ ഗൾഫിലേക്ക് പ്രവേശിക്കുന്നതിനും ഒമാന്റെ നിയന്ത്രണത്തിലുള്ള പാതയിലൂടെ തിരിച്ചുപോകുന്നതിനും ഇരുരാജ്യങ്ങളും സമ്മതിച്ചെന്നാണ് സൂചന. കപ്പലുകൾക്ക് സുരക്ഷ ഒരുക്കുന്നതിന് പകരം അവയിൽ നിന്ന് സർവീസ് ഫീസ് ഈടാക്കിയേക്കും.
ഇറാന്റെ പരമാധികാരത്തിനും അവകാശങ്ങൾക്കും കോട്ടംതട്ടാത്തവിധം ഇരുരാജ്യങ്ങളുടെയും ദേശീയ താൽപര്യങ്ങൾ മുൻനിർത്തി ഹോർമുസിലൂടെ സുരക്ഷിത ഗതാഗതം ഉറപ്പാക്കുക ലക്ഷ്യമിട്ടായിരുന്നു ഒമാനുമായുള്ള ചർച്ചയെന്ന് ഇറാന്റെ വിദേശകാര്യ വക്താവ് ഇസ്മയിൽ ബഖായി പറഞ്ഞു.
ഹോർമുസ് തുറക്കാനുള്ള ചർച്ചകൾ ഫലംകണ്ടെന്നും കപ്പൽ നീക്കം ഈയാഴ്ച സാധ്യമാകുമെന്നും യുഎസ് വിദേശകാര്യ സെക്രട്ടറി മാർക്കോ റൂബിയോയും ട്രഷറി സെക്രട്ടറി സ്കോട്ട് ബെസെന്റും പറഞ്ഞു. ഇറാൻ യുദ്ധം ശാശ്വതമായി അവസാനിപ്പിക്കുന്നതിന് നിലവിലെ ഏറ്റവും വലിയ കീറാമുട്ടിയാണ് ഹോർമുസ് കടലിടുക്കിന്റെ അവകാശത്തർക്കം. ഇതിന് പരിഹാരമാകുന്നതോടെ ജൂൺ 17ന് നിലവിൽ വന്ന ഇടക്കാല വെടിനിർത്തൽ ധാരണാപത്രം അന്തിമമാകുന്നതിനുള്ള വഴിതെളിയും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
