പത്തനംതിട്ട: ശബരിമലയിൽ മണ്ഡലകാലത്ത് വാങ്ങിയ മിൽമ നെയ്യിൽ ക്രമക്കേട് ഉണ്ടായെന്ന കേസിൽ ആദ്യ അറസ്‌റ്റ് രേഖപ്പെടുത്തി. സന്നിധാനത്തേക്ക് വിതരണം ചെയ്യാനെത്തിച്ച ലക്ഷക്കണക്കിന് രൂപയുടെ മിൽമ നെയ്യ് വഴിമാറ്റി വിറ്റ കേസിലെ പ്രധാനി ട്രാൻസ്‌പോർട്ട് കരാറുകാരൻ എസ്എസ് ബിനു ആണ് പിടിയിലായത്.
2025-26 കാലയളവിൽ ശബരിമലയിലേക്ക് നെയ്യ് വാങ്ങിയതുമായി ബന്ധപ്പെട്ട് ക്രമക്കേടുകൾ നടന്നെന്നാണ് കണ്ടെത്തൽ. മിൽമക്ക് പകരം ശബരിമലയിൽ വിലകുറഞ്ഞ നെയ്യാണ് എത്തിച്ചതെന്നാണ് കണ്ടെത്തിയിരിക്കുന്നത്. ഇതുവഴി തിരുവിതാംകൂർ ദേവസ്വം ബോർഡിന് രണ്ടര കോടി നഷ്‌ടം ഉണ്ടായി.
തമിഴ്‌നാട്ടിലെ രണ്ട് ഏജൻസികൾക്കാണ് നെയ്യ് മറിച്ചുവിറ്റത്. ശ്രീ വെങ്കിടേശ്വര ട്രേഡേഴ്‌സ്, ലിയോ ട്രേഡേഴ്‌സ് എന്നീ ഏജൻസികൾക്കാണ് നെയ്യ് മറിച്ചുവിറ്റത്. കേസിൽ കൂടുതൽപ്പേർ ഉൾപ്പെട്ടിട്ടുണ്ടോ എന്നറിയാൻ പോലീസ് അന്വേഷണം ഊർജിതമാക്കിയിട്ടുണ്ട്.
Most Read| പീസ് ബോണ്ട്; നേഹ ബോറയുടെ ഹരജി തള്ളി ഡെൽഹി ഹൈക്കോടതി
