മലപ്പുറം: ദേഹത്തേക്ക് മതിലിടിഞ്ഞു വീണ് മൂന്ന് വയസുകാരന് ദാരുണാന്ത്യം. താനൂർ കാരോട് പഴയവളപ്പിൽ ഫസലു- അഫ്നി ദമ്പതികളുടെ മകൻ ഫർസീൻ ഇശൽ ആണ് മരിച്ചത്. വീട്ടുമുറ്റത്ത് കളിച്ചുകൊണ്ടിരിക്കെയാണ് കുഞ്ഞിന്റെ ദേഹത്തേക്ക് മതിലിടിഞ്ഞു വീണത്. ഇന്ന് രാവിലെ ഒമ്പതരയോടെയാണ് സംഭവം. ഹോളോ ബ്രിക്സ് കട്ടകൾ കുട്ടിയുടെ മേലേക്ക് പതിക്കുകയായിരുന്നു.
ശബ്ദം കേട്ട് ഓടിവന്ന വീട്ടുകാരും സമീപവാസികളും ചേർന്ന് കുട്ടിയെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. കഴിഞ്ഞ ദിവസങ്ങളിൽ പെയ്ത കനത്ത മഴയിൽ കുതിർന്നു നിൽക്കുന്ന മതിൽ പൊടുന്നനേ ഇടിഞ്ഞു വീഴുകയായിരുന്നുവെന്നാണ് നിഗമനം. ഫസലു- അഫ്നി ദമ്പതികളുടെ രണ്ടു മക്കളിൽ ഇളയവനാണ് ഫർസീൻ.
Most Read| മദ്യലഹരിയിൽ യുവതിയെ മർദ്ദിച്ച സംഭവം; നടക്കാവ് എസ്ഐക്ക് സസ്പെൻഷൻ