ബെംഗളൂരു: കേന്ദ്രമന്ത്രി പ്രഹ്ളാദ് ജോഷിയുടെ വീടിന് മുന്നിൽ ആത്‌മഹത്യക്ക് ശ്രമിച്ച സ്‌ത്രീ മരിച്ചു. ധാർവാദ് താലൂക്കിലെ ഗരാഗ് ഗ്രാമവാസിയായ ശ്രീദേവി വീരന്ന കമ്മർ (31) ആണ് മരിച്ചത്.
ഏപ്രിൽ 6നാണ് ശ്രീദേവി ആത്‌മഹത്യക്ക് ശ്രമിച്ചത്. പ്രഹ്ളാദ് ജോഷിയുടെ കർണാടകയിലെ ഹുബ്ളിയിലുള്ള വീടിന് മുന്നിലെത്തിയ ശ്രീദേവി വിഷം കഴിക്കുകയായിരുന്നു. ഉടൻ തന്നെ ഇവരെ സമീപത്തെ ആശുപത്രിയിൽ എത്തിച്ചു.
2019ലെ വെള്ളപൊക്കത്തിൽ വീട് തകർന്നതിനെ തുടർന്ന് സഹായം തേടി പലതവണ ശ്രീദേവി കേന്ദ്രമന്ത്രിയെ കാണാൻ ശ്രമിച്ചിരുന്നു. എന്നാൽ മന്ത്രിയെ കാണാൻ ശ്രീദേവിക്ക് അവസരം ലഭിച്ചില്ല. തുടർന്നാണ് ഇവർ മന്ത്രിയുടെ വീടിന് മുന്നിൽ എത്തി ആത്‌മഹത്യക്ക് ശ്രമിച്ചത്.
Also Read: ബംഗാളില്‍ നടന്നത് കൂട്ടക്കൊല; മമതാ ബാനർജി
