കണ്ണൂര്: ബിജെപി ദേശീയ ഉപാധ്യക്ഷന് എപി അബ്ദുള്ളകുട്ടിയുടെ അനുജന് എപി ഷറഫൂദ്ദീന് തദ്ദേശ തിരഞ്ഞെടുപ്പില് എന്ഡിഎ സ്ഥാനാര്ഥിയായി മല്സരിക്കും. കണ്ണൂര് നാറാത്ത് പഞ്ചായത്തിലെ 17ആം വാര്ഡ് കമ്പിലില് നിന്നാണ് ജനവിധി തേടുന്നത്. സെപ്റ്റംബര് 26നാണ് അബ്ദുള്ളക്കുട്ടിയെ ബിജെപിയുടെ ദേശീയ ഉപാധ്യക്ഷനായി തിരഞ്ഞെടുത്തത്.
കുമ്മനം രാജശേഖരന് അടക്കമുള്ള മുതിര്ന്ന നേതാക്കളെ തഴഞ്ഞ് അടുത്ത കാലത്ത് മാത്രം പാര്ട്ടിയിലേക്ക് എത്തിയ അബ്ദുള്ളകുട്ടിയെ ദേശീയ നേതൃത്വത്തിലേക്ക് എടുത്തതിനെതിരെ ബിജെപിയില് നിന്ന് ഒരു കൂട്ടം നേതാക്കള് എതിര്പ്പ് പ്രകടിപ്പിച്ച് രംഗത്തെത്തിയിരുന്നു. പുതിയ ഭാരവാഹികളെ തെരഞ്ഞെടുത്തപ്പോഴാണ് ബിജെപിയുടെ 12 വൈസ് പ്രസിഡണ്ടുമാരില് ഒരാളായി എപി അബദുള്ളക്കുട്ടിയെയും തീരുമാനിച്ചത്.
Read also: തദ്ദേശ തിരഞ്ഞെടുപ്പ്; കോവിഡ് രോഗികൾക്ക് നേരിട്ടെത്തി വോട്ട് ചെയ്യാം