കുമ്പള: ദേശീയപാതയില്‍ കാറും പികപ് വാനും കൂട്ടിയിടിച്ച് 5 പേര്‍ക്ക് പരിക്കേറ്റു. ദേവിനഗറിലാണ് അപകടം സംഭവിച്ചത്. ഒരു കുടുംബത്തിലെ അംഗങ്ങളാണ് 5 പേരും. ഇന്ന് രാവിലെയായിരുന്നു അപകടം.
വടകര ചോറോട് സ്വദേശികളാണ് അപകടത്തില്‍ പെട്ടത്. രാജന്‍ (69), ഭാര്യ ശൈലജ (61) മകന്‍ ജിതിന്‍ (37) ജിത്തിന്റെ ഭാര്യ ഗ്രീഷ്‌മ (28) ഇവരുടെ മകന്‍ ധീരജ് എന്നിവര്‍ക്കാണ് പരിക്കേറ്റത്. പരിക്കേറ്റവരെ മംഗലാപുരം ആശുപതിയിലും കുമ്പള സഹകരണ ആശുപത്രിയിലും പ്രവേശിപ്പിച്ചിട്ടുണ്ട്.
മംഗലാപുരത്തേക്ക് പോവുകയായിരുന്ന കാറും കാസര്‍ഗോട്ടേക്ക് വരികയായിരുന്ന പികപ് വാനുമാണ് കൂട്ടിയിടിച്ചത്. ഇടിയില്‍ കാര്‍ പൂര്‍ണമായും തകര്‍ന്നിട്ടുണ്ട്.
Malabar News: മലപ്പുറത്ത് സ്വകാര്യ ബസും ഗുഡ്‌സ് ഓട്ടോയും കൂട്ടിയിടിച്ചു; മൂന്ന് മരണം
