കാസർഗോഡ്: കാസർഗോഡ് ജനറൽ ആശുപത്രിയിൽ വധശ്രമക്കേസ് പ്രതിയുടെ അതിക്രമം. കുത്തേറ്റ് ചികിൽസക്ക് എത്തിയ ആളെ വീണ്ടും കയ്യേറ്റം ചെയ്യാൻ ശ്രമിക്കുകയായിരുന്നു. കാസർഗോഡ് മാർക്കറ്റിൽ വെച്ച് ഒരാളെ കുത്തിയ ശേഷമാണ് ഇയാൾ ഓടി ജനറൽ ആശുപത്രിയിൽ കയറിയത്. ആശുപത്രിയിൽ എത്തിയയാൾ ഇവിടെ വെച്ചും കുത്തേറ്റയാൾക്ക് നേരെ കയ്യേറ്റ ശ്രമം നടത്തി.
ഇന്ന് ഉച്ചക്കാണ് സംഭവം. പരാക്രമം നടത്തിയ പ്രതി പൊവ്വൽ സ്വദേശി ഫറൂഖിനെ പോലീസെത്തി ബലപ്രയോഗത്തിലൂടെ കസ്‌റ്റഡിയിൽ എടുത്തു. ഇയാൾ ലഹരിക്ക് അടിമയാണെന്ന് പോലീസ് പറഞ്ഞു. പ്രതിക്കെതിരെ കാസർഗോഡ് ടൗൺ പോലീസ് വധശ്രമത്തിന് കേസെടുത്തു. കസബ സ്വദേശി അബൂബക്കറിനാണ് കുത്തേറ്റത്.
Most Read: ഇമ്രാൻ ഖാനെ ഉടൻ മോചിപ്പിക്കാൻ സുപ്രീം കോടതി ഉത്തരവ്
