മെൽബൺ: ഓസ്‌ട്രേലിയൻ ഓപ്പൺ ഫൈനലിൽ റാഫേൽ നദാലിന്റെ എതിരാളിയായി നിലവിലെ യുഎസ് ഓപ്പൺ ചാമ്പ്യൻ റഷ്യയുടെ ഡാനിൽ മെദ്‌വദെവ്. ഇന്ന് നടന്ന സെമിയിൽ ഗ്രീസിന്റെ സ്‌റ്റെഫാനോസ് സിറ്റ്സിപാസിനെ തകർത്താണ് മെദ്വദെവിന്റെ ഫൈനൽ പ്രവേശനം.
നാലു സെറ്റുകൾ നീണ്ട പോരാട്ടത്തിനൊടുവിൽ ആണ് താരം വിജയം കൊയ്‌തത്. രണ്ടു മണിക്കൂറിനടുത്ത് മാത്രം നീണ്ടുനിന്ന സെമിയിൽ സിറ്റ്സിപാസിനെതിരെ 7–6 (5), 4–6, 6–4, 6–1 എന്ന സ്‌കോറിനായിരുന്നു മെദ്വദെവിന്റെ ജയം.
The return of @DaniilMedwed ??
The world No.2 is back in the #AusOpen men’s singles final, defeating Stefanos Tsitsipas 7-6(5) 4-6 6-4 6-1.
?: @wwos • @espn • @eurosport • @wowowtennis #AusOpen • #AO2022 pic.twitter.com/wHpouY2PTk
— #AusOpen (@AustralianOpen) January 28, 2022
25കാരനായ മെദ്വദെവിന്റെ നാലാം ഗ്രാൻഡ്‌സ്ളാം ഫൈനലാണിത്. തുടർച്ചയായ രണ്ടാം ഗ്രാൻഡ്‌സ്ളാം ഫൈനലും. മെദ്‌വദെവും റാഫേൽ നദാലും ഏറ്റുമുട്ടുന്ന ഫൈനൽ മൽസരം ഞായറാഴ്‌ച അരങ്ങേറും. ലോക രണ്ടാം നമ്പർ താരമായ മെദ്വദെവിന്റെ രണ്ടാം ഓസ്‌ട്രേലിയൻ ഓപ്പൺ ഫൈനലാണിത്.
അതേസമയം കിരീടം നേടാനായാൽ ഓപ്പൺ കാലഘട്ടത്തിൽ കന്നി ഗ്രാൻഡ്‌സ്ളാം വിജയിച്ച ശേഷം തുടർച്ചയായ രണ്ടാം ഗ്രാൻഡ്‌സ്ളാമും ജയിക്കുന്ന ആദ്യ താരമെന്ന നേട്ടവും മെദ്‌വദെവിന് സ്വന്തമാക്കാം.
Most Read: ഹെലികോപ്റ്റർ അര മണിക്കൂർ വൈകി; ഗൂഢാലോചനയെന്ന് അഖിലേഷ് യാദവ്
