സാമ്പത്തിക ഇടപാടുകളിൽ സൂക്ഷ്‌മത പാലിക്കുക; ഇസ്‌ലാമിക കർമശാസ്‌ത്ര സെമിനാർ

By Desk Reporter, Malabar News
Jamia Nooriya Fiqh Seminar_2021

മലപ്പുറം: പട്ടിക്കാട് ജാമിഅ നൂരിയ്യ അറബിയ്യയുടെ 58ആം വാർഷികാഘോഷവും 56ആമത് സനദ്‌ദാന സമ്മേളനത്തോടും അനുബന്ധിച്ച് സംഘടിപ്പിച്ച ഇസ്‌ലാമിക കർമശാസ്‌ത്ര സെമിനാർ (ഫിഖ്ഹ് സെമിനാർ) ശ്രദ്ധേയമായി.

ആധുനിക ഇടപാടുകൾ ഇസ്‌ലാമിക കർമശാസ്‌ത്ര വീക്ഷണത്തിൽ എന്ന വിഷയത്തിൽ ജാമിഅ നൂരിയ്യയിലെ ഫിഖ്‌ഹ് ഫാക്വൽറ്റിക്ക് കീഴിലാണ് സെമിനാർ സംഘടിപ്പിച്ചത്. ഇസ്‌ലാമിക കർമശാസ്‌ത്രം സമ്പൂർണമാണെന്നും നവീന ഇടപാടുകളുടെ കർമശാസ്‌ത്ര വിധികൾ പൊതുജനങ്ങളെ ബോധ്യപ്പെടുത്തേണ്ടത് അനിവാര്യമാണെന്നും സെമിനാർ അഭിപ്രായപ്പെട്ടു.

പ്രായോഗികവും ചൂഷണ മുക്‌തവുമായ സാമ്പത്തിക നിയമങ്ങളാണ് ഇസ്‌ലാം മുന്നോട്ട് വെക്കുന്നത്. എന്നാൽ, വിപണന രംഗത്ത് പ്രത്യക്ഷപ്പെടുന്ന മാർക്കറ്റിങ് രീതികളിൽ പലതും കർമശാസ്‌ത്ര നിയമങ്ങൾക്ക് വിരുദ്ധവും ഉപഭോക്‌താക്കളെ കബളിപ്പിക്കുന്നതുമാണ്; സെമിനാർ നിരീക്ഷിച്ചു.

പണ്ഡിതരും ഗവേഷണ വിദ്യാർഥികളും പങ്കെടുത്ത സെമിനാറിൽ, ഷെയർ മാർക്കറ്റിങ്, കമ്മോഡിറ്റി ട്രേഡിങ്ങ്, ഫോറക്‌സ് മാർക്കറ്റ്, മൾട്ടി ലെവൽ മാർക്കറ്റിങ് തുടങ്ങിയ വിവിധ ബിസിനസ് രീതികളും, പണമിടപാടുകളിലെ ഇസ്‌ലാമിക മാനദണ്ഡങ്ങളും ചർച്ച ചെയ്‌തു. ശൈഖുൽ ജാമിഅ കെ ആലിക്കുട്ടി മുസ്‌ലിയാർ ഉൽഘാടനം ചെയ്‌ത സെമിനാറിൽ ഫിഖ്ഹ് ഫാക്വൽറ്റി വിഭാഗം മേധാവി ഹംസ ഫൈസി അൽ ഹൈതമി മോഡറേറ്ററായി.

ളിയാഉദ്ദീൻ ഫൈസി മേൽമുറി, സ്വലാഹുദ്ധീൻ യമാനി, മുജ്‌തബ ഫൈസി എന്നിവർ പേപ്പർ പ്രസന്റേഷൻ നടത്തി. അബ്‌ദുൽ ലത്തീഫ് ഫൈസി പാതിരമണ്ണ, സുലൈമാൻ ഫൈസി ചുങ്കത്തറ, മുഹമ്മദലി ശിഹാബ് ഫൈസി കൂമണ്ണ, ഒടി മുസ്‌തഫ ഫൈസി, ഇബ്രാഹിം ഫൈസി തിരൂർക്കാട് എന്നിവരും സെമിനാറിൽ സംസാരിച്ചു.

പൂർണ്ണ വായനയ്ക്ക്

Most Read: പാൻ കാർഡ് ആധാറുമായി ബന്ധിപ്പിക്കാത്തവർ സൂക്ഷിക്കുക; മുട്ടൻ പണി വരുന്നു

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE