പ്രവാചകന്‍ മുഹമ്മദ് നബിക്കെതിരെ പരാമർശം; ബിജെപി നേതാവിനെതിരെ കേസ്

By News Bureau, Malabar News
Ajwa Travels

ഡെൽഹി: പ്രവാചകൻ മുഹമ്മദ് നബിക്കെതിരെ ആക്ഷേപകരമായ പരാമർശം നടത്തിയ ബിജെപി വക്‌താവ് നൂപൂർ ശർമയ്‌ക്കെതിരെ മറ്റൊരു കേസ് കൂടി. പൂനെയിലെ നാഷണലിസ്‌റ്റ് കോൺഗ്രസ് പാർട്ടി (എൻസിപി) നേതാവിന്റെ പരാതിയിലാണ് പുതിയ കേസെടുത്തിരിക്കുന്നത്. സംഭവത്തിൽ മുംബൈയിലും ഹൈദരാബാദിലും വനിതാ നേതാവിനെതിരെ കേസുകൾ രജിസ്‌റ്റർ ചെയ്‌തിട്ടുണ്ട്.

ഗ്യാൻവാപി വിഷയത്തിൽ ഒരു ഇംഗ്ളീഷ് ചാനലിൽ നടന്ന സംവാദത്തിനിടെ പ്രവാചകനെതിരെ ആക്ഷേപകരമായ പരാമർശം നടത്തിയെന്നാണ് ആരോപണം. ഹിന്ദു വിശ്വാസത്തെ ചിലർ നിരന്തരം പരിഹസിക്കുകയാണെന്ന് പറഞ്ഞതിന് പിന്നാലെയാണ് നൂപൂർ മുഹമ്മദ് നബിക്കെതിരെ മോശം പരാമർശം നടത്തിയത്.

നൂപൂറിന് എതിരായ കേസുകളിൽ ഒന്ന് ഇന്ത്യൻ സുന്നി മുസ്‌ലിങ്ങളുടെ സുന്നി ബറേൽവി സംഘടനയായ റാസ അക്കാദമിയുടെ പരാതിയെ തുടർന്നാണ് മുംബൈയിൽ രജിസ്‌റ്റർ ചെയ്‌തത്. ഹൈദരാബാദിലെ സൈബർ ക്രൈം പോലീസ് സ്‌റ്റേഷനിലാണ് രണ്ടാമത്തെ എഫ്‌ഐആർ രജിസ്‌റ്റർ ചെയ്‌തിരിക്കുന്നത്.

പ്രവാചകനും ഇസ്‌ലാം മതത്തിനും എതിരെ അപകീർത്തികരവും തെറ്റായതുമായ വാക്കുകൾ ശർമ ഉപയോഗിച്ചുവെന്നും, മുസ്‌ലിങ്ങളുടെ വികാരം വ്രണപ്പെടുത്തിയെന്നും മുസ്‌ലിം സംഘടനകൾ പരാതിയിൽ വ്യക്‌തമാക്കുന്നു.

അതേസമയം, തനിക്ക് സോഷ്യൽ മീഡിയയിൽ വധഭീഷണിയും, ബലാൽസംഗ ഭീഷണിയും ഉണ്ടെന്ന് ശർമ്മ ആരോപിച്ചു.

Most Read: അറസ്‌റ്റിനുള്ള വിലക്ക് തുടരും; വിജയ് ബാബുവിന്റെ മുൻ‌കൂർ ജാമ്യാപേക്ഷ പരിഗണിക്കുന്നത് മാറ്റി 

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE