മലപ്പുറം: അറബി, ഇംഗ്ളീഷ്, മലയാളം ഭാഷാ കലിഗ്രഫി എക്‌സിബിഷന്‍ ഫെബ്രുവരി 7 ഞായര്‍ മലപ്പുറം മഅ്ദിന്‍ അക്കാദമിയില്‍ നടക്കും. രാവിലെ ഒമ്പതിന് മഅ്ദിന്‍ അക്കാദമി ചെയര്‍മാന്‍ സയ്യിദ് ഇബ്റാഹീമുല്‍ ഖലീല്‍ അല്‍ ബുഖാരി ഉൽഘാടനം ചെയ്യും.
കലിഗ്രഫി രംഗത്ത് പ്രശസ്‌തരായ കരീം ഗ്രഫി, സ്വബാഹ് ആലുവ എന്നിവർ വിശിഷ്‌ട അതിഥികളാകും. നൂറിലധികം കലിഗ്രഫര്‍മാരുടെ വര്‍ക്കുകള്‍ എക്‌സിബിഷനില്‍ പ്രദര്‍ശിപ്പിക്കും. മലയാളം കലിഗ്രഫിയുടെ പിതാവെന്ന് അറിയപ്പെടുന്ന ആർട്ടിസ്‌റ്റ് ഭട്ടതിരിയുടെ ആര്‍ട്ടുകളും എക്‌സിബിഷനിൽ ഉണ്ടാകും.
എല്ലാ ഭാഷയിലും കലിഗ്രഫിയുണ്ട്. കലിഗ്രഫിയുടെ പ്രചരണത്തിന് പൂര്‍വികര്‍ മ്യൂസിയങ്ങള്‍ വരെ സ്‌ഥാപിച്ചിട്ടുണ്ട്. കോവിഡ് പ്രോട്ടോകോള്‍ പാലിച്ചായിരിക്കും സന്ദര്‍ശകരെ അനുവദിക്കുക. കലിഗ്രഫി സാമഗ്രികള്‍ വാങ്ങുന്നതിനായി നഗരിയില്‍ പ്രത്യേക സ്‌റ്റാളുകളും ഒരുക്കുന്നുണ്ട്.
.
ഖുര്‍ആന്‍ പകര്‍ത്തെഴുത്തിലൂടെ വികാസം പ്രാപിച്ച ഈ കലാരൂപത്തിന്റെ പ്രാധാന്യവും സാധ്യതകളും പ്രചരിപ്പിക്കുന്നതിന് വേണ്ടിയാണ് എക്‌സിബിഷന്‍ സംഘടിപ്പിക്കുന്നതെന്ന് മഅ്ദിന്‍ അധികൃതർ പറഞ്ഞു. പ്രവേശനം സൗജന്യമാണ്. എക്‌സിബിഷന്‍ വൈകീട്ട് ആറ് വരെ നീണ്ടു നില്‍ക്കും. വിവരങ്ങള്‍ക്ക്: 964 533 8343
Most Read: ഗ്യാസ് സിലിണ്ടര്‍ ദുരന്തങ്ങള്‍ ഒഴിവാക്കാന്‍ ഈ അറിവുകള്‍ക്ക് നേരെ മുഖം തിരിക്കാതിരിക്കാം
