കാസർഗോഡ്: ചെറുവത്തൂർ ഇഎംഎസ് കായിക അക്കാദമി 22ന് വൈകീട്ട് അഞ്ചിന് ചീമേനി ഗവ. ഹയർസെക്കൻഡറി സ്കൂൾ മൈതാനിയിൽ മന്ത്രി ഇപി ജയരാജൻ ഉൽഘാടനം ചെയ്യും. മുൻ എംപി പി കരുണാകരൻ അക്കാദമി ജഴ്സി പ്രകാശനം ചെയ്യും. മുൻ എംഎൽഎ കെ കുഞ്ഞിരാമൻ ലോഗോ പ്രകാശനം ചെയ്യും. അക്കാദമി മെമ്പർഷിപ്പ് വിതരണം കയ്യൂർ ചീമേനി പഞ്ചായത്ത് പ്രസിഡണ്ട് കെ പി വൽസലൻ നിർവഹിക്കും.
കെ സുധാകരൻ കായിക പ്രതിഭകളെ ആദരിക്കും. പരിശീലകരെ ജില്ലാ സ്പോർട്സ് കൗൺസിൽ പ്രസിഡണ്ട് ഹബീബ് റഹ്മാൻ ആദരിക്കും. കായിക അക്കാദമിയിലെ കുട്ടികളെ അണിനിരത്തിയുള്ള എയറോബിക്സ് ഡാൻസ്, ഡിസ്പ്ളേ എന്നിവ കോവിഡ് മാനദണ്ഡം പാലിച്ച് അവതരിപ്പിക്കും. ദേശീയ താരങ്ങളും പരിപാടിയിൽ പങ്കെടുക്കും. ജില്ല സംസ്ഥാന ടീമുകളിൽ ഇതിനകം നിരവധി താരങ്ങളെ സംഭാവന ചെയ്യാൻ അക്കാദമിക്ക് സാധിച്ചിട്ടുണ്ട്.
Read Also: ഇന്ന് ലോക മാതൃഭാഷാദിനം