മലപ്പുറം: പെരിന്തൽമണ്ണയിൽ മ്യൂസിക് ഫെസ്റ്റിനിടെ സംഘർഷം. പെരിന്തൽമണ്ണ എക്സ്പോ ഗ്രൗണ്ടിൽ ഇന്നലെ രാത്രിയാണ് സംഘർഷമുണ്ടായത്. അമിത തിരക്ക് മൂലം പരിപാടി നിർത്തിവെച്ചതാണ് സംഘർഷത്തിന് ഇടയാക്കിയത്. പരിപാടി നിർത്തിവെച്ചതോടെ ആളുകൾ റീഫണ്ട് ആവശ്യപ്പെട്ടു. എന്നാൽ, സംഘാടകർ ഇത് നൽകാൻ തയ്യാറായില്ല. ഇതോടെയാണ് ജനം അക്രമാസക്തരായത്.
രോക്ഷാകുലരായ ജനങ്ങൾ ടിക്കറ്റ് കൗണ്ടറുകളും ഉപകരണങ്ങളും സ്റ്റേജും ഉൾപ്പടെ അടിച്ചു തകർത്തു. സംഘാടകർക്ക് നേരെ കൈയ്യേറ്റശ്രമവും ഉണ്ടായതായാണ് ആരോപണം. അതിനിടെ, അക്രമം നടത്തിയവർക്കെതിരെ പെരിന്തൽമണ്ണ പോലീസ് കേസെടുത്തിട്ടുണ്ട്. കണ്ടാലറിയാവുന്ന 20 പേർക്കെതിരേയാണ് കേസ്. പോലീസ് അനുമതി ഇല്ലാതെയാണ് മ്യൂസിക് ഫെസ്റ്റ് നടത്തിയതെന്ന വിവരവും പുറത്തുവന്നിട്ടുണ്ട്.
Most Read| ചിന്നക്കനാലിലെ ഭൂമി കൈയ്യേറ്റം; മാത്യു കുഴൽനാടൻ എംഎൽഎക്കെതിരെ കേസെടുത്തു