ചണ്ഡീഗഢ്: കല്ക്കരി ക്ഷാമത്തെ തുടര്ന്നുണ്ടായ പ്രതിസന്ധിയെ തുടര്ന്ന് മൂന്ന് താപവൈദ്യുത നിലയങ്ങള് അടച്ചുപൂട്ടേണ്ടി വന്നെന്ന് പഞ്ചാബ് സര്ക്കാര്. സംസ്ഥാനത്തിനുള്ള കല്ക്കരി വിതരണം വര്ധിപ്പിക്കണമെന്നും മുഖ്യമന്ത്രി ചരണ്ജിത്ത് സിങ് ചന്നി ആവശ്യപ്പെട്ടു.
5620 മെഗാവാട്ട് ആണ് പഞ്ചാബിലെ താപവൈദ്യുതി നിലയങ്ങളുടെ ആകെ ഉൽപാദനശേഷി. എന്നാല് നിലവില് 2800 മെഗാവാട്ട് വൈദ്യുതി മാത്രമാണ് സംസ്ഥാനത്ത് ഉൽപാദിപ്പിക്കുന്നത്. രൂപ്നഗര്, രാജ്പുര, തല്വാണ്ടി സബോ, ഗോയിന്ദ്വാള് സാഹിബ് എന്നീ പ്ളാന്റുകള് മാത്രമാണ് ഇപ്പോള് ഏതാനും ദിവസങ്ങളായി പ്രവര്ത്തിക്കുന്നത്.
കല്ക്കരി ക്ഷാമത്തെ തുടര്ന്ന് മൂന്ന് പ്ളാന്റുകളും സാങ്കേതിക പ്രശ്നങ്ങളെ തുടര്ന്ന് രണ്ട് പ്ളാന്റുകളും അടച്ചുപൂട്ടാന് നിര്ബന്ധിതരായെന്ന് മുഖ്യമന്ത്രി വിശദീകരിച്ചു. പ്രതിസന്ധി പരിഹരിക്കാന് കേന്ദ്രസര്ക്കാര് ഇടപെടണം. ഏതാനും ദിവസങ്ങള്ക്കുളളില് സംസ്ഥാനത്തെ കല്ക്കരി സ്റ്റോക്ക് തീരും. പഞ്ചാബിനുള്ള കല്ക്കരി വിതരണം വര്ധിപ്പിക്കണമെന്നും അദ്ദേഹം ആവശ്യപ്പെട്ടു.
Also Read: ‘കർഷകർക്കൊപ്പം നിന്ന് പോരാടും’; ദീപിക സിങ് രാജാവത് കോൺഗ്രസിൽ