കോഴിക്കോട്: കോവിഡ് ബാധിച്ച് കോഴിക്കോട് മെഡിക്കൽ കോളേജിൽ ചികിത്സയിലായിരുന്ന മൂന്നു പേർ കൂടി മരിച്ചു. കണ്ണൂര് എടക്കാട് സ്വദേശി പ്രമോദ്, കണ്ണൂര് ചാലക്കര സ്വദേശി അഹമ്മദ്, വടകര പുതുപ്പണം സ്വദേശി അബ്ദുൾ കരീം എന്നിവരാണ് മരിച്ചത്. പ്രമോദ് കരൾ രോഗത്തിന് ദീർഘകാലമായി ചികിത്സയിലായിരുന്നു. അഹമ്മദും അബ്ദുൾ കരീമും വൃക്കരോഗികളായിരുന്നു.
ഇന്ന് 14 മരണങ്ങളാണ് കോവിഡ് മൂലമാണെന്ന് സർക്കാർ ഔദ്യോഗികമായി സ്ഥിരീകരിച്ചത്. ഇതോടെ സംസ്ഥാനത്ത് ആകെ കോവിഡ് മരണം 439 ആയി. ഇത് കൂടാതെ ഉണ്ടായ മരണങ്ങള് എന്ഐവി ആലപ്പുഴയിലെ പരിശോധനക്ക് ശേഷം സ്ഥിരീകരിക്കുമെന്നും സർക്കാർ അറിയിച്ചു.
Related News: രോഗമുക്തി 1885, സമ്പര്ക്ക രോഗികള് 2921, ആകെ രോഗബാധ 3139
ജില്ലയിൽ ഇന്ന് 399 പേർക്കാണ് രോഗബാധ സ്ഥിരീകരിച്ചത്, 128 പേർ രോഗമുക്തി നേടി. അതേസമയം, സംസ്ഥാനത്ത് ആകെ ഇന്ന് റിപ്പോർട്ട് ചെയ്തത് 3139 കേസുകളാണ്. ഇതിൽ 2921 പേർ സമ്പർക്ക രോഗികളാണ്. 1885 പേർ ഇന്ന് രോഗമുക്തി നേടി.