ജിദ്ദ: സൗദിയിൽ നിലവിൽ കോവിഡ് ബാധിച്ച് ചികിൽസയിൽ കഴിയുന്നവരുടെ എണ്ണം 9,000 കടന്നു. രാജ്യത്ത് 1,157 പുതിയ കേസുകൾ കൂടി റിപ്പോർട് ചെയ്‌തതോടെ ആകെ കോവിഡ് കേസുകളുടെ എണ്ണം 4,42,071 ആയി. 987 പേരാണ് ഇന്ന് രോഗമുക്‌തി നേടിയത്. പുതുതായി 15 മരണങ്ങളും റിപ്പോർട് ചെയ്‌തു. ഇതോടെ ആകെ മരിച്ചവരുടെ എണ്ണം 7,264 ആയി.
വിവിധ ആശുപത്രികളിലും മറ്റുമായി നിലവിൽ ചികിൽസയിലുള്ളവരിൽ 1,334 പേരുടെ നില ഗുരുതരമാണ്. ചികിൽസയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്‌തികരമാണെന്നും അധികൃതർ അറിയിച്ചു. രാജ്യത്തെ കോവിഡ് മുക്‌തി നിരക്ക് 96.29 ശതമാനവും മരണനിരക്ക് 1.64 ശതമാനവുമാണ്.
Also Read: രോഗവ്യാപനം കുറക്കാൻ ലോക്ക്ഡൗൺ സഹായിച്ചു; മുഖ്യമന്ത്രി
