തിരുവനന്തപുരം: സിപിഎം സംസ്ഥാന സെക്രട്ടേറിയറ്റ് യോഗം ഇന്ന് ചേരും. മന്ത്രി കെടി ജലീലിനെ എൻഐഎ ചോദ്യം ചെയ്തതും മന്ത്രി കടകംപളളിക്ക് എതിരെ ഉയർന്ന പുതിയ ആക്ഷേപങ്ങളും അടക്കം ചർച്ചയായേക്കും. ഒപ്പം കോടിയേരിയുടെ മകൻ ബിനീഷിനെ മയക്കുമരുന്ന് കേസിൽ ചോദ്യം ചെയ്തതും ജയരാജന്റെ മകൻ ജയ്സണെതിരായ ആരോപണങ്ങളും ചർച്ചയാകാനാണ് സാധ്യത.
ക്വാറന്റൈൻ പൂർത്തിയാക്കിയ നേതാക്കൾ യോഗത്തിൽ പങ്കെടുക്കും. എന്നാൽ കോവിഡ് ചികിത്സയിൽ തുടരുന്ന ഇ പി ജയരാജൻ ഇന്ന് പങ്കെടുക്കില്ല.
National News: മുഗള് മ്യൂസിയത്തിന്റെ പേര് മാറ്റിയ നടപടിക്ക് എതിരെ പ്രതിഷേധം ശക്തമാകുന്നു
ഇന്ന് വൈകിട്ട് എൽഡിഎഫും യോഗം ചേരും. തദ്ദേശ തെരഞ്ഞെടുപ്പിനുള്ള മുന്നൊരുക്കങ്ങളും സർക്കാർ നേട്ടങ്ങളുടെ പ്രചാരണ പരിപാടികളുമാണ് യോഗത്തിലെ പ്രധാന അജണ്ട. കേരള കോൺഗ്രസ് ജോസ് പക്ഷത്തോടുള്ള സമീപനവും ചർച്ചയാകും.