ഗ്ളോബ് സോക്കര് അവാര്ഡില് ഈ നൂറ്റാണ്ടിലെ മികച്ച താരമായി തിരഞ്ഞെടുക്കപ്പെട്ട് ക്രിസ്റ്റിയാനോ റൊണാള്ഡോ. 2000നു ശേഷം ഇതുവരെയുള്ള പ്രകടനങ്ങള് വിലയിരുത്തിയാണ് നൂറ്റാണ്ടിലെ മികച്ച താരമായി ലോകോത്തര ഫുട്ബോളര് റൊണാള്ഡോയെ തിരഞ്ഞെടുത്തത്.
ബാഴ്സിലോണയുടെ ലയണല് മെസി, ലിവര്പൂള് താരം മുഹമ്മദ് സാലാ, മുന്താരം റൊണാള്ഡീഞ്ഞോ എന്നിവരെ പിന്തള്ളിയാണ് റൊണാള്ഡോ നേട്ടം കൈവരിച്ചത്.
ക്രിസ്റ്റിയാനോക്ക് പ്ളെയര് ഓഫ് ദി സെഞ്ചുറി ഗ്ളോബ് സോക്കര് അവാര്ഡ് സമ്മാനിച്ചതായി ദുബായി സ്പോര്ട്സ് കൌണ്സില് ചെയര്മാന് ഷെയ്ഖ് മന്സൂര് ബിന് മുഹമ്മദ് ബിന് റാഷിദ് അല് മക്തൂം ട്വീറ്റ് ചെയ്തു.
? ?? CRISTIANO RONALDO presented with the PLAYER OF THE CENTURY 2001-2020 Globe Soccer Award@cristiano @dubaisc @juventusfc @selecaoportugal #CristianoRonaldo #CR7 #Bvlgari #globesoccer pic.twitter.com/deK2Qlzuey
— Globe Soccer Awards (@Globe_Soccer) December 27, 2020
ക്രിസ്റ്റിയാനോ റൊണാള്ഡോയുടെ മുന് ക്ളബ്ബായ റയല് മാഡ്രിഡാണ് നൂറ്റാണ്ടിലെ ഏറ്റവും മികച്ച ക്ളബ്. നൂറ്റാണ്ടിലെ ഏറ്റവും മികച്ച പരിശീലകനായി പെപ് ഗ്വാര്ഡിയോളയെയും ഈ വര്ഷത്തെ ഏറ്റവും മികച്ച ഫുട്ബോള് താരമായി ബയേണ് സ്ട്രൈക്കര് ലെവന്ഡൊസ്കിയെയും തിരഞ്ഞെടുത്തു. ബയേണ് പരിശീലകന് ഹാന്സി ഫ്ളിക്കാണ് ഈ വര്ഷത്തെ മികച്ച കോച്ച്.
Read Also: കര്ഷകര് ദൈവത്തിന്റെ അവതാരങ്ങള്, ബിജെപി അവരെ കോപാകുലരാക്കരുത്; സമാജ്വാദി പാര്ട്ടി നേതാവ്