കണ്ണൂർ: സിപിഎം പോളിറ്റ് ബ്യൂറോയിലേക്ക് ദളിത് പ്രാതിനിധ്യം; ചരിത്രത്തിൽ ആദ്യമായാണ് പിബിയിൽ ദളിത് പ്രാതിനിധ്യം ഉണ്ടായിരിക്കുന്നത്. പശ്ചിമ ബംഗാളിൽ നിന്നുള്ള രാമചന്ദ്ര ഡോമിനെയാണ് നിയോഗിച്ചിരിക്കുന്നത്. 1989 മുതൽ 2014 വരെ ബംഗാളിലെ ബിർഭും മണ്ഡലത്തിൽ നിന്നുള്ള ലോക്സഭാ അംഗമായിരുന്നു ഇദ്ദേഹം. നിലവിൽ കേന്ദ്ര കമ്മിറ്റി അംഗമാണ്.
ബംഗാളിൽ നിന്നും ബിമൻ ബോസ് ഒഴിയുന്ന മുറയ്ക്കാണ് ഡോമിന്റെ പ്രാതിനിധ്യം. കേരളത്തിൽ നിന്ന് ദളിത് പ്രാതിനിധ്യം വേണമെന്ന ആവശ്യം പിബിയിൽ ഉയർന്നിരുന്നു. എന്നാൽ, കേരള ഘടകം എ വിജയരാഘവനെ നിർദ്ദേശിച്ചതിനാൽ രണ്ടാമതൊരാളെ എടുക്കേണ്ടെന്ന് തീരുമാനിക്കുകയായിരുന്നു. അതിനാൽ എകെ ബാലനെ തഴയുകയാണ് ഉണ്ടായത്.
ബംഗാളിൽ നിന്നും രാമചന്ദ്ര ഡോമിനെ ഉൾപ്പെടുത്താൻ തീരുമാനിച്ചതോടെ പിബിയിൽ ദളിത് പ്രാതിനിധ്യം സിപിഎം ഉറപ്പാക്കി. പിബിയിൽ ദളിതരില്ലെന്ന ആക്ഷേപം ഉയർന്നിട്ട് ഏറെ കാലമായിരുന്നു. കണ്ണൂർ പാർട്ടി കോൺഗ്രസിൽ ഈ പരാതിക്ക് പരിഹാരം ഉണ്ടാക്കിയിരിക്കുകയാണ് പാർട്ടി.
Most Read: നടിയെ ആക്രമിച്ച കേസ്; മഞ്ജു വാര്യറുടെ മൊഴി രേഖപ്പെടുത്തി