പാരീസ്: പ്രീമിയർ ലീഗിൽ ഇംഗ്ളീഷ് ക്ളബായ ലിവർപൂളിന് കനത്ത തിരിച്ചടി. സീസൺ അവസാന ഘട്ടത്തിലേക്ക് കടക്കുന്ന സമയത്ത് അവരുടെ പ്രധാന മിഡ്ഫീൽഡർ ആയ ഫബിനോയ്ക്ക് പരിക്കേറ്റതാണ് ടീമിനെ കുഴക്കുന്നത്.
പ്രീമിയർ ലീഗിലെ ആസ്റ്റൺ വില്ലക്ക് എതിരായ മൽസരത്തിന്റെ ആദ്യ പകുതിയിലാണ് ബ്രസീലിയൻ താരമായ ഫബിനോയ്ക്ക് പരിക്കേറ്റത്. താരത്തിന് ഹാംസ്ട്രിങ് ഇഞ്ച്വറി ആണ്. ഇതോടെ ഫബിനോയ്ക്ക് നിർണായക മൽസരങ്ങൾ നഷ്ടമാകും.
ചാമ്പ്യൻസ് ലീഗ് ഫൈനലിലും പ്രീമിയർ ലീഗിലെ മറ്റ് നിർണായക മൽസരങ്ങളിലും ഫബിനോയ്ക്ക് പുറത്ത് ഇരിക്കേണ്ടി വരും. ഈ വാരാന്ത്യത്തിൽ എഫ്എ കപ്പ് ഫൈനലിന് ഇറങ്ങാൻ ഒരുങ്ങുന്ന ലിവർപൂളിന് ഫബിനോയുടെ അഭാവം വെല്ലുവിളിയാണ്.
Most Read: ഡെൽഹിയിലെ ഒഴിപ്പിക്കൽ നടപടി; പ്രതിഷേധം കടുപ്പിക്കാൻ പ്രതിപക്ഷ പാർട്ടികൾ