മലപ്പുറം: നിലമ്പൂർ വഴിക്കടവ് മുണ്ട എംകെ ഹാജി എസ്റ്റേറ്റില് വന് തീപിടിത്തം. 300 ഹെക്ടറില് വ്യാപിച്ചു കിടക്കുന്ന എസ്റ്റേറ്റിലെ റബര് മരങ്ങള് മുറിച്ചുമാറ്റിയ സ്ഥലത്ത് കൂട്ടിയിട്ട ചുള്ളിക്കമ്പുകളില് നിന്നും ഉണങ്ങിയ പുല്ലില്നിന്നുമാണ് തീ പടരാന് തുടങ്ങിയത്. നിലമ്പൂരില് നിന്നെത്തിയ ഫയര്ഫോഴ്സ് യൂണിറ്റാണ് തീ നിയന്ത്രണ വിധേയമാക്കിയത്. ജനവാസ കേന്ദ്രങ്ങളിലേക്ക് തീ പടരാതെ വെള്ളം പമ്പ് ചെയ്ത് നിയന്ത്രണ വിധേയമാക്കി. ഫയര്ഫോഴ്സ് വാഹനം എത്തിപ്പെടാന് പറ്റാത്ത ഭാഗങ്ങളില് ഫയര് ബീറ്റ് ഉപയോഗിച്ച് തീ തല്ലി കെടുത്തി. ഫയർഫോഴ്സിനൊപ്പം ട്രോമാ കെയര് വളണ്ടിയര്മാരും ഉദ്യമത്തിൽ പങ്കാളികളായി.
Read also: ഓൺലൈൻ ക്ളാസിനിടെ തിരഞ്ഞെടുപ്പ് പരസ്യം; എതിർപ്പുമായി അധ്യാപകർ