കോഴിക്കോട്: നിരവധി രക്ഷാ പ്രവർത്തനങ്ങളിൽ ശ്രദ്ധേയനായ തൊഴിലാളി തെങ്ങു മുറിഞ്ഞു വീണ് മരിച്ചു. ഫയർഫോഴ്‌സിന്റെ സിവിൽ ഡിഫൻസ് വോളണ്ടിയറായ കൊയിലാണ്ടി മേലൂർ എടക്കാട്ടു പറമ്പത്ത് ബാലനാണ്(55) മരിച്ചത്. മുറിക്കാനായി കയറിയ തെങ്ങ് നടു പൊട്ടി വീഴുകയായിരുന്നു.
തിങ്കളാഴ്‌ച കച്ചേരിപ്പാറക്ക് സമീപമുള്ള വീട്ടിലാണ് അപകടം. ഒരു വർഷമായി കോവിഡ് പ്രതിരോധ പ്രവർത്തനത്തിൽ സിവിൽ ഡിഫൻസ് വളണ്ടിയറായി സേവണം അനുഷ്‌ടിക്കുക ആയിരുന്നു ബാലൻ.
കടലുണ്ടി തീവണ്ടി അപകടം, വിയ്യൂർ മണ്ണിടിച്ചിൽ തുടങ്ങി ഒട്ടേറെ പ്രവർത്തനങ്ങളിൽ ശ്രദ്ധേയ സാന്നിധ്യമായിരുന്ന ബാലന് ഫയർഫോഴ്‌സ് ഡിജിപിയുടെ പ്രത്യേക പുരസ്ക്കാരവും ലഭിച്ചിട്ടുണ്ട്.
Malabar News: തൂതപ്പുഴയിൽ വെള്ളം കുറയുന്നു; ശുദ്ധജല പദ്ധതികൾ പ്രതിസന്ധിയിൽ
