തിരുവനന്തപുരം : സംസ്‌ഥാനത്ത് മുൻ മുഖ്യമന്ത്രി ഉമ്മൻ ചാണ്ടിക്ക് കോവിഡ് സ്‌ഥിരീകരിച്ചു. രോഗ ലക്ഷണങ്ങളെ തുടർന്ന് നടത്തിയ പരിശോധനയിലാണ് അദ്ദേഹത്തിന് കോവിഡ് സ്‌ഥിരീകരിച്ചത്‌. കഴിഞ്ഞ രണ്ട് ദിവസമായി അദ്ദേഹം തിരുവനന്തപുരത്തെ വസതിയിൽ നിരീക്ഷണത്തിൽ കഴിയുകയായിരുന്നു. അദ്ദേഹത്തെ ഉടൻ തന്നെ സ്വകാര്യ ആശുപത്രിയിലേക്ക് മാറ്റും. തിരഞ്ഞെടുപ്പ് കഴിഞ്ഞതിന് പിന്നാലെ സംസ്‌ഥാനത്ത് പ്രതിദിനം കോവിഡ് ബാധിതരാകുന്ന ആളുകളുടെ എണ്ണത്തിൽ ഉയർച്ച ഉണ്ടാകുന്നുണ്ട്.
മുഖ്യമന്ത്രി പിണറായി വിജയനും ഇന്ന് കോവിഡ് സ്‌ഥിരീകരിച്ചിരുന്നു. രോഗലക്ഷണങ്ങൾ ഇല്ലാതെയാണ് അദ്ദേഹം കോവിഡ് പോസിറ്റീവ് ആയത്. തുടർന്ന് ഡോക്‌ടർമാരുടെ നിർദേശ പ്രകാരം അദ്ദേഹത്തെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു. മുഖ്യമന്ത്രിയുടെ മകൾ വീണയ്‌ക്ക്‌ ആണ് ആദ്യം രോഗം സ്‌ഥിരീകരിച്ചത്‌. തുടർന്ന് വോട്ടെടുപ്പ് ദിവസം പിപിഇ കിറ്റ് ധരിച്ചാണ് വീണ ബൂത്തിലെത്തി വോട്ട് രേഖപ്പെടുത്തിയത്. പിന്നീട് നടത്തിയ പരിശോധനയിൽ മുഖ്യമന്ത്രിക്കും, മരുമകനും, ചെറുമകനും രോഗം സ്‌ഥിരീകരിക്കുകയായിരുന്നു.
Read also : കൊമ്പൻ വിജയകൃഷ്‌ണൻ ചരിഞ്ഞ സംഭവം; പാപ്പാൻ പോലീസ് കസ്‌റ്റഡിയിൽ; പ്രതിഷേധം ശക്‌തം
