റിയാദ്: ഇന്ന് നടക്കുന്ന ജിസിസി ഉച്ചകോടിയില് ഖത്തര് അമീര് പങ്കെടുക്കും. ഉച്ചകോടിയില് പങ്കെടുക്കുന്നതിനായി ഖത്തര് അമീര് ശൈഖ് തമീം ബിന് ഹമദ് ആല്ഥാനി സൗദി അറേബ്യയിലേക്ക് പുറപ്പെട്ടതായി വിവിധ ഗള്ഫ് മാദ്ധ്യമങ്ങള് റിപ്പോര്ട്ട് ചെയ്തു.
നിര്ണായക തീരുമാനങ്ങള് പ്രഖ്യാപിക്കുമെന്നപ്രതീക്ഷയില് ലോകം ഉറ്റുനോക്കുന്ന 41ആം ജിസിസി ഉച്ചകോടി ഇന്നു സൗദിയുടെ പൈതൃക കേന്ദ്രമായ അല്ഉലയിലാണ് ആരംഭിക്കുന്നത്. ഉച്ചകോടിയില് പങ്കെടുക്കാന് സൗദി ഭരണാധികാരി സല്മാന് രാജാവ് ഖത്തര് അമീറിനെ ക്ഷണിച്ചിരുന്നു. സല്മാന് രാജാവാണ് ഉച്ചകോടിയുടെ അധ്യക്ഷത വഹിക്കുന്നത്.
ബഹ്റൈന്, ഈജിപ്ത് രാജ്യങ്ങളിലെ ഭരണാധികാരികളും നയതന്ത്ര ഉദ്യോഗസ്ഥരും സൗദിയില് ഉച്ചകോടിയില് പങ്കെടുക്കും. യുഎഇയെ പ്രതിനിധീകരിച്ച് വൈസ് പ്രസിഡണ്ടും ദുബായ് ഭരണാധികാരി ശൈഖ് മുഹമ്മദ് ബിന് റാഷിദ് ആല്മക്തും ഉച്ചകോടിയില് പങ്കെടുക്കും.
Kerala News: പക്ഷിപ്പനി പ്രതിരോധം പുരോഗമിക്കുന്നു, നഷ്ടപരിഹാരം ഉറപ്പാക്കും; മന്ത്രി കെ രാജു