പാലക്കാട്: നെല്ലു സംഭരണത്തിന് ഗോഡൗണുകൾ തുറക്കാൻ സപ്ലൈകോ. പാലക്കാട്, എറണാകുളം, തൃശൂർ, കോട്ടയം, ആലപ്പുഴ ജില്ലകളിലാണ് ഗോഡൗണുകൾ തുറക്കുക. ചുരുങ്ങിയതു 7000 ചതുരശ്ര അടി വലുപ്പമുള്ള ഗോഡൗണുകളാകും ഇതിനായി കണ്ടെത്തുക. ഇത് സംബന്ധിച്ചു മില്ലുടമകളുമായി മന്ത്രി പി. തിലോത്തമൻ ഇന്നു തിരുവനന്തപുരത്തു ചർച്ച നടത്തും.
കഴിഞ്ഞ വർഷങ്ങളിലെ പോലെ സംഭരണം വൈകുന്നത് ആവർത്തിക്കാതിരിക്കാൻ ആണ് സർക്കാർ നീക്കം നടത്തുന്നത്. എന്നാൽ, സർക്കാർ മുന്നോട്ടുവച്ച ചില വ്യവസ്ഥകളിൽ മാറ്റം വരുത്തിയാലേ കരാറിൽ ഒപ്പിടുകയുള്ളൂ എന്നാണ് മില്ലുടമകളുടെ ഭാഗം. പ്രകൃതിക്ഷോഭം മൂലമുള്ള നഷ്ടം മില്ലുകൾ വഹിക്കുക, ഗുണനിലവാര പരിശോധനയിൽ വീഴ്ച കണ്ടെത്തിയാൽ പിഴയൊടുക്കുക എന്നീ വ്യവസ്ഥകൾ ഒഴിവാക്കണമെന്നാണ് ഇവരുടെ പ്രധാന ആവശ്യം. ഇക്കാര്യത്തിൽ നാലു തവണ സർക്കാരും മില്ലുടമകളും തമ്മിൽ ചർച്ച നടന്നെങ്കിലും ഫലമുണ്ടായിട്ടില്ല.
Kozhikode News: തുരങ്കപാതയുടെ സർവേ 18ന് ആരംഭിക്കും; ഔദ്യോഗിക പ്രഖ്യാപനം ഒക്ടോബർ 5ന്