തിരുവനന്തപുരം: സംസ്ഥാനത്തെ എയ്ഡഡ് സ്കൂളുകളിലേക്കുള്ള അധ്യാപക നിയമനങ്ങൾക്ക് ഈ അധ്യയന വർഷം ഉയർന്ന പ്രായപരിധിയിൽ ഇളവ് അനുവദിക്കാൻ തീരുമാനം. കോവിഡ് സാഹചര്യം കണക്കിലെടുത്താണ് സർക്കാർ ഇത്തരത്തിൽ തീരുമാനം എടുത്തത്.
കഴിഞ്ഞ അധ്യയന വർഷം കോവിഡ് വ്യാപനത്തിന്റെ പശ്ചാത്തലത്തിൽ സ്കൂളുകൾ തുറക്കാഞ്ഞതിനാൽ അധ്യാപക നിയമനം സർക്കാർ തടഞ്ഞിരുന്നു. അന്ന് നിയമനം ലഭിക്കേണ്ടിയിരുന്ന പലർക്കും ഇക്കൊല്ലം ഉയർന്ന പ്രായപരിധിയായ 40 വയസ് കഴിയുകയും ചെയ്യും. ഇത്തരക്കാർക്ക് നിയമനം ലഭിക്കില്ലെന്ന സാഹചര്യം ഉണ്ടായതോടെയാണ് ഉയർന്ന പ്രായപരിധിയിൽ ഇളവ് നൽകാൻ സർക്കാർ തീരുമാനിച്ചത്.
2021 ജനുവരി ഒന്നാം തീയതി 40 വയസ് കഴിയുന്നവർക്ക് ഈ അധ്യയന വർഷം റഗുലർ ഒഴിവിൽ നടത്താൻ നിർദ്ദേശിച്ചിട്ടുള്ള നിയമനങ്ങളിൽ മാത്രമാണ് ഇളവ് ലഭിക്കുക. കൂടാതെ ഉയർന്ന പ്രായപരിധിയിലെ ഇളവ് പട്ടികജാതി, പട്ടികവർഗക്കാർക്കും മറ്റു പിന്നോക്ക വിഭാഗക്കാർക്കും ബാധകമാണെന്ന് അധികൃതർ വ്യക്തമാക്കി.
Read also: കെടി ജലീലിന്റെ ബന്ധുനിയമന വിവാദ ഹരജി ഇന്ന് സുപ്രീം കോടതിയില്