മസ്‌ക്കറ്റ്: ഒമാനിൽ കോവിഡ് പ്രോട്ടോക്കോൾ ലംഘിച്ച ഹോട്ടൽ അടച്ചുപൂട്ടി. ഒമാൻ സുപ്രീം കമ്മറ്റിയുടെ മാർഗ നിർദ്ദേശങ്ങൾ ലംഘിച്ചതായി കണ്ടെത്തിയതിനെ തുടര്‍ന്നാണ് രാജ്യത്തെ ഒരു ഹോട്ടൽ അടച്ചുപൂട്ടിയത്. ഒമാൻ പൈതൃക വിനോദ സഞ്ചാര മന്ത്രാലയത്തിന്റെ നിർദ്ദേശത്തെ തുടർന്നാണ് നടപടി. ഹോട്ടൽ ഉടമയ്‌ക്കെതിരെയും നടപടി എടുത്തതായാണ് റിപ്പോർട്.
ഹോട്ടലുകളുടെ ഗുണനിലവാരം നിയന്ത്രിക്കുന്ന ആരോഗ്യ മന്ത്രാലയം, തൊഴിൽ വകുപ്പ് എന്നിവരുടെ സഹകരണത്തോടെയുള്ള പൈതൃക വിനോദ സഞ്ചാര മന്ത്രാലയത്തിന്റെ സമതിയാണ് കോവിഡ് പ്രോട്ടോക്കോൾ ലംഘനം കണ്ടെത്തിയത്.
ഹോട്ടൽ അടച്ചുപൂട്ടിയതിനൊപ്പം ഉടമയ്‌ക്ക് വൻ തുക പിഴ ചുമത്തിയതായി ഒമാൻ ന്യൂസ് ഏജൻസിയുടെ വാർത്താ കുറിപ്പിൽ പറയുന്നു.
Most Read: മരംമുറി വിവാദം; സജീവമായി ഇടപെടാൻ ബിജെപി, മുതിർന്ന നേതാക്കൾ ഇന്ന് മുട്ടിലിൽ
