കണ്ണൂർ: പാനൂർ പുല്ലക്കരയിൽ ഭർത്താവ് ഭാര്യയെ കഴുത്തറുത്തു കൊന്നു. വിഷ്‌ണു വിലാസം യുപി സ്‌കൂളിന് സമീപം കല്ലുമ്മൽ പീടിക പടിക്കൽ കൂലോത്ത് രതിയാണ് (57) മരിച്ചത്. ഭർത്താവ് മോഹനൻ കത്തി കൊണ്ട് കഴുത്തറുത്ത് കൊലപ്പെടുത്തുകയായിരുന്നു. ഇന്ന് രാവിലെ 11 മണിയോടെയാണ് സംഭവം.
വീടിന്റെ വാതിൽ അടച്ച് കുറ്റിയിട്ട ശേഷമാണ് കൊല നടത്തിയത്. നിലവിളി കേട്ടെത്തിയ അയൽവാസികളും നാട്ടുകാരും വാതിൽ ചവിട്ടി പൊളിച്ചാണ് അകത്തേക്ക് കയറിയത്. മോഹനനെ പോലീസ് കസ്‌റ്റഡിയിൽ എടുത്തിട്ടുണ്ട്.
കൊലപാതകത്തിലേക്ക് നയിച്ച കാരണം വ്യക്‌തമല്ല. രതിയുടെ മൃതദേഹം തലശേരി ജനറൽ ആശുപത്രിയിലെ മോർച്ചറിയിലേക്ക് മാറ്റി. ധനുഷ്, ധനിഷ എന്നിവർ മക്കളാണ്.
Most Read: മണ്ണാർക്കാട് യുവാവിനെ തട്ടിക്കൊണ്ടുപോയി ക്രൂരമായി മർദ്ദിച്ചതായി പരാതി
