ചെന്നൈ: ഹൈദരാബാദ് വെള്ളപ്പൊക്കത്തില് വലയുന്ന തെലുങ്കാന സര്ക്കാറിന് 10 കോടിയുടെ സഹായവുമായി തമിഴ്നാട്. മുഖ്യമന്ത്രി എടപ്പാടി പളനിസ്വാമി നേരിട്ടാണ് സഹായം പ്രഖ്യാപിച്ചത്.
ദുരന്തത്തില് ദുഃഖം രേഖപ്പെടുത്തുന്നതായും അടിയന്തിര സഹായമായി ഈ തുക ലഭ്യമാക്കുമെന്നും അദ്ദേഹം തെലുങ്കാന മുഖ്യമന്ത്രി കെ ചന്ദ്രശേഖര് റാവുവിനെ അറിയിച്ചു. മുഖ്യമന്ത്രിയുടെ ദുരിതാശ്വാസ നിധിയില് നിന്നാണ് തുക നല്കുന്നത്.
തെലുങ്കാന മുഖ്യമന്ത്രി കെ. ചന്ദ്രശേഖര് റാവു തമിഴ്നാടിന് നന്ദി അറിയിച്ചു. ധന സഹായത്തിനു പുറമേ അടിയന്തിര ആവശ്യത്തിനുള്ള എല്ലാ സഹായങ്ങളും ലഭ്യമാക്കുമെന്നും തമിഴ്നാട് അറിയിച്ചിരുന്നു.
ഹൈദരാബാദ് നഗരവും ഏതാനും ജില്ലകളും കഴിഞ്ഞ കുറച്ചു ദിവസങ്ങളായി വെള്ളപ്പൊക്ക ദുരിതം നേരിടുക ആയിരുന്നു, അടുത്ത അഞ്ച് ദിവസങ്ങളില് മഴ തുടരുമെന്ന് കാലാവസ്ഥാ വകുപ്പ് പ്രവചിച്ചിരുന്നു.
50 പേരുടെ ജീവനാണ് ദുരന്തത്തില് നഷ്ടപ്പെട്ടത്. നിരവധി പ്രദേശങ്ങളാണ് വെള്ളത്തിന് അടിയിലായത്. 6000 കോടിയോളം രൂപയുടെ നഷ്ടമാണ് കണക്കാക്കുന്നത്.
ഹൈദരാബാദ് നഗരത്തിലെ ഒട്ടുമിക്ക പ്രദേശങ്ങളെയും വെള്ളപ്പൊക്കം ബാധിച്ചു. സൈന്യവും, ദേശീയ ദുരന്ത നിവാരണ സേനയും ചേര്ന്നാണ് രക്ഷാപ്രവര്ത്തനം ഏകോപിപ്പിക്കുന്നത്.
Read Also: അസം-മിസോറാം അതിര്ത്തി സംഘര്ഷം; കേന്ദ്രം ഇടപെടുന്നു