ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ 90,928 പുതിയ കോവിഡ്-19 കേസുകൾ റിപ്പോർട് ചെയ്തതായി ആരോഗ്യ കുടുംബക്ഷേമ മന്ത്രാലയം അറിയിച്ചു. 325 പേർ കോവിഡ് ബാധിച്ച് മരണപ്പെട്ടപ്പോൾ 19,206 പേർ 24 മണിക്കൂറിനിടെ രോഗമുക്തിയും നേടി.
രാജ്യത്തെ പ്രതിദിന പോസിറ്റിവിറ്റി നിരക്ക് 6.43 ശതമാനവും പ്രതിവാര പോസിറ്റിവിറ്റി നിരക്ക് 3.47 ശതമാനവുമാണ്.
ഇതുവരെ 3,43,41,009 പേരാണ് രാജ്യത്ത് കോവിഡിൽ നിന്നും മുക്തി നേടിയത്. അതേസമയം രാജ്യത്തെ കോവിഡ് മരണസംഖ്യ 482876 ആണ്.
നിലവിൽ 2,85,401 സജീവ കേസുകളാണ് രാജ്യത്തുള്ളത്. രോഗമുക്തി നിരക്ക് 97.81 ശതമാനമാണ്.
കേരളത്തിൽ കഴിഞ്ഞ ദിവസം 4,801 പേർക്കാണ് കോവിഡ് സ്ഥിരീകരിച്ചത്. 71,098 സാമ്പിൾ പരിശോധനയ്ക്ക് വിധേയമാക്കി. രോഗമുക്തി നേടിയവർ 1,813 പേരും കോവിഡ് മരണം സ്ഥിരീകരിച്ചത് 29 പേർക്കുമാണ്.
അതേസമയം രാജ്യത്ത് വാക്സിനേഷനും പുരോഗമിക്കുകയാണ്. 148.67 കോടി വാക്സിൻ ഡോസുകൾ ഇതുവരെ രാജ്യത്തുടനീളം വിതരണം ചെയ്തതായി ആരോഗ്യ മന്ത്രാലയം വ്യക്തമാക്കുന്നു.
Most Read: സുരക്ഷാ വീഴ്ച; പഞ്ചാബ് സർക്കാർ ഇന്ന് കേന്ദ്രത്തിന് റിപ്പോർട് നൽകിയേക്കും