മഞ്ചേരി: നഗരത്തിലെ ഹോട്ടലുകളിലും റസ്‌റ്റോറന്റുകളിലും ആരോഗ്യവിഭാഗം നടത്തിയ പരിശോധനയിൽ പഴകിയ ഭക്ഷണപദാർഥങ്ങളും പ്ളാസ്‌റ്റിക്ക് കവറുകളും പിടികൂടി. രണ്ട് ദിവസങ്ങളിലായി 16ഓളം സ്‌ഥാപനങ്ങളിലാണ് ആരോഗ്യവകുപ്പ് പരിശോധന നടത്തിയത്. സ്‌ഥാപനങ്ങളിൽ നിന്നും പഴകിയ ചിക്കൻ, മട്ടൻ, ചപ്പാത്തി തുടങ്ങി ഭക്ഷ്യയോഗ്യമല്ലാത്ത സാധനങ്ങളാണ് പരിശോധനയിൽ പിടികൂടിയത്.
പിഴയടക്കാൻ സ്‌ഥാപനങ്ങൾക്ക് നോട്ടീസ് നൽകിയിട്ടുണ്ടെന്ന് സ്‌ഥിരംസമിതി അധ്യക്ഷൻ മരുന്നൻ മുഹമ്മദ് അറിയിച്ചു. നിയമലംഘനം ആവർത്തിച്ചാൽ ലൈസൻസ് റദ്ദ് ചെയ്യുന്ന നടപടികളിലേക്ക് ആരോഗ്യവകുപ്പ് നീങ്ങുമെന്നും അദ്ദേഹം കൂട്ടിച്ചേർത്തു.
ഹെൽത്ത് സൂപ്പർവൈസർ കെ അബ്‌ദുൽ കരീം, ഹെൽത്ത് ഇൻസ്‌പെക്‌ടർ ഗ്രേഡ് ടു സിഎസ് ബിജു, ജൂനിയർ ഹെൽത്ത് ഇൻസ്‌പെക്‌ടർമാരായ വികെ സുബറാം, ടി അബ്‌ദുൽ റഷീദ്, പിവി സതീഷ് എന്നിവർ പരിശോധനക്ക് നേതൃത്വം നൽകി.
Read also: ഇന്ധനവില വീണ്ടും വർധിപ്പിച്ചു; സംസ്‌ഥാനത്ത്‌ 90 കടന്ന് പെട്രോൾ വില
