തിരുവനന്തപുരം: തപാല് വോട്ട് ക്രമക്കേടില് തിരഞ്ഞെടുപ്പ് ഉദ്യോഗസ്ഥര് ഒന്നും ചെയ്യുന്നില്ലെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന്. തിരഞ്ഞെടുപ്പ് ഉദ്യോഗസ്ഥരെ കയറൂരി വിടുകയാണെന്നും സുരേന്ദ്രന് വിമര്ശിച്ചു.
ഈ രീതിയിലാണ് പോവുന്നതെങ്കില് ശക്തമായ പ്രതിഷേധമുണ്ടാകും. തിരഞ്ഞെടുപ്പ് കമ്മീഷന് അക്കാര്യത്തില് ജാഗ്രതയെടുക്കണം. കമ്മീഷന് കൊടുക്കുന്ന നിര്ദ്ദേശങ്ങള് പാലിക്കപ്പെടുന്നുണ്ടോ എന്ന് പരിശോധിക്കണം.
കമ്മീഷന് എന്തിനാണ് ഭയപ്പെടുന്നത്. എത്ര സേനയെ വേണമെങ്കിലും ഉപയോഗിക്കാമല്ലോ? സ്വതന്ത്രവും നീതിയുക്തവുമായ തിരഞ്ഞെടുപ്പ് ഉറപ്പുവരുത്താന് എല്ലാ സംവിധാനങ്ങളും തിരഞ്ഞെടുപ്പ് കമ്മീഷന്റെ കൈയിലുണ്ടെന്നും കെ സുരേന്ദ്രന് പറഞ്ഞു.
Also Read: അഞ്ച് വർഷം ക്രിയാത്മകമായി പ്രവർത്തിച്ചു,യഥാർഥ ഹീറോ ചെന്നിത്തല; ജോയ് മാത്യു
