കൊച്ചി: കനകമല ഐഎസ് കേസില് മുഖ്യപ്രതി പിടിയില്. മലയാളിയായ മുഹമ്മദ് പോളക്കാനിയെയാണ് എന്.ഐ.എ അറസ്റ്റ് ചെയ്തത്. ജോര്ജിയയിലായിരുന്ന ഇയാളെ ഇന്ത്യയിലെത്തിച്ചാണ് അറസ്റ്റ് ചെയ്തത്. പെരുമ്പാവൂരില് നിന്ന് പിടികൂടിയ പ്രതികളോടൊപ്പം ഇയാളെയും ഇന്ന് മജിസ്ട്രേറ്റിന് മുന്നില് ഹാജരാക്കി.
ഇസ്ലാമിക് സ്റ്റേറ്റുമായി ചേര്ന്ന് ഭീകരാക്രമണം നടത്താനുള്ള പദ്ധതി തയ്യാറാക്കുന്നതിനായി കനകമലയില് വെച്ച് രഹസ്യയോഗം ചേര്ന്നെന്നാണ് കേസ്. രാജ്യദ്രോഹം, ഗൂഢാലോചന, യു.എ.പി.എയിലെ വിവിധ വകുപ്പുകള് എന്നിവ പ്രകാരമാണ് എന്.ഐ.എ കുറ്റപത്രം സമര്പ്പിച്ചത്.
Read also: താജ്മഹലും ആഗ്ര കോട്ടയും തുറക്കുന്നു; സെപ്റ്റംബര് 21 മുതല്