തിരുവനന്തപുരം: ശുഭകരമല്ലാത്ത കണക്കുമായി കേരളം. സംസ്ഥാനത്ത് പതിനായിരം കടന്നു രോഗികൾ. കോഴിക്കോട്, മലപ്പുറം, എറണാകുളം, തിരുവനന്തപുരം എന്നീ നാല് ജില്ലകളിൽ 1000 ത്തിന് മുകളിലാണ് രോഗബാധ. സംസ്ഥാനത്ത് ഏറ്റവും കൂടുതൽ രോഗികളുമായി കോഴിക്കോടാണ് മുന്നിൽ. 1576 പേരാണ് ഇന്ന് കോഴിക്കോട് നിന്ന് മാത്രമുള്ള രോഗ ബാധിതർ. സംസ്ഥാനത്ത് രോഗമുക്തി നേടിയത് 6161 പേരാണ്. ആകെ രോഗബാധ 10,606 സ്ഥിരീകരിച്ചപ്പോള് മരണ സംഖ്യ 22 ആണ്. സമ്പര്ക്ക രോഗികള് 9542 ഇന്നുണ്ട്. ഉറവിടം അറിയാത്ത 741 രോഗബാധിതരും, 92,161 പേർ നിലവിൽ ചികിൽസയിലുമുണ്ട്. 98 ആരോഗ്യ പ്രവര്ത്തകര്ക്ക് രോഗം സ്ഥിരീകരിച്ചതാണ് ഇന്നത്തെ അപകടകരമായ മുന്നറിയിപ്പ്. 14 പുതിയ ഹോട്ട് സ്പോട്ടുകളും നിലവിൽ വന്നു.
ആകെ രോഗ ബാധിതരുടെ ജില്ല തിരിച്ചുള്ള കണക്ക്;
കാസർഗോഡ്: 432
കണ്ണൂർ: 602
വയനാട്: 138
കോഴിക്കോട്: 1576
മലപ്പുറം: 1350
പാലക്കാട്: 650
തൃശ്ശൂർ: 948
എറണാകുളം: 1201
ആലപ്പുഴ: 672
കോട്ടയം: 490
ഇടുക്കി: 120
പത്തനംതിട്ട: 393
കൊല്ലം: 852
തിരുവനന്തപുരം: 1182
ഇന്ന് കോവിഡില് നിന്ന് മുക്തി നേടിയവര് 6161, ജില്ല തിരിച്ചുള്ള കണക്ക് ഇനി പറയുന്നതാണ്; തിരുവനന്തപുരം 820, കൊല്ലം 346, പത്തനംതിട്ട 222, ആലപ്പുഴ 393, കോട്ടയം 453, ഇടുക്കി 89, എറണാകുളം 385, തൃശൂര് 320, പാലക്കാട് 337, മലപ്പുറം 743, കോഴിക്കോട് 589, വയനാട് 103, കണ്ണൂര് 1188, കാസര്ഗോഡ് 173. ഇനി ചികിത്സയിലുള്ളത് 92.161. ഇതുവരെ ആകെ 1,60,253 പേര് കോവിഡില് നിന്നും മുക്തി നേടി.
Most Read: ഹത്രസ്; ദുരഭിമാന കൊലയെന്ന് ബി ജെ പി, പ്രതികരിച്ച് പ്രശാന്ത് ഭൂഷണ്
ആകെ 10606 രോഗബാധിതരില്, രോഗം സ്ഥിരീകരിച്ച 55 പേര് വിദേശ രാജ്യങ്ങളില് നിന്ന് വന്നവരാണ്. ഇതര സംസ്ഥാനങ്ങളില് നിന്നും വന്ന 164 പേര്ക്കും കോവിഡ് സ്ഥിരീകരിച്ചു. ഇന്നത്തെ രോഗ ബാധിതരില് 741 പേരുടെ സമ്പര്ക്ക ഉറവിടം വ്യക്തമല്ല. സമ്പര്ക്കത്തിലൂടെ 9542 പേര്ക്കാണ് കോവിഡ് ബാധിച്ചത്. കാസര്ഗോഡ് 407, കണ്ണൂര് ജില്ലയില് നിന്നുള്ള 475 പേര്ക്കും, കോഴിക്കോട് 1488, മലപ്പുറം 1224, വയനാട് ജില്ലയില് നിന്നുള്ള 131 പേര്ക്കും, പാലക്കാട് ജില്ലയില് നിന്നുള്ള 372 പേര്ക്കും, തൃശൂര് ജില്ലയില് നിന്നുള്ള 931 പേര്ക്കും, എറണാകുളം 1013, ആലപ്പുഴ ജില്ലയില് നിന്നുള്ള 667 പേര്ക്കും, ഇടുക്കി 72, കോട്ടയം 489, കൊല്ലം ജില്ലയില് നിന്നുള്ള 847 പേര്ക്കും, പത്തനംതിട്ട ജില്ലയില് നിന്നുള്ള 271, തിരുവനന്തപുരം ജില്ലയില് നിന്നുള്ള 1155 പേര്ക്കുമാണ് സമ്പര്ക്കത്തിലൂടെ ഇന്ന് രോഗം ബാധിച്ചത്.
സംസ്ഥാനത്ത് ആകെ കോവിഡ് മരണം ഇത് വരെ 906 ആയി. ഇന്ന് കോവിഡ്-19 സ്ഥിരീകരിച്ച മരണങ്ങള് 22 ആണ്. തിരുവനന്തപുരം പെരിങ്ങമല സ്വദേശി മോഹനകുമാര് (60), വലിയതുറ സ്വദേശിനി സഫിയ ബീവി (74), വലിയതുറ സ്വദേശി സേവിയര് (90), കൊടുങ്ങാനൂര് സ്വദേശി ശങ്കരന് (74), മുല്ലക്കല് സ്വദേശി മുരുഗപ്പന് ആചാരി (74), വഴയില സ്വദേശിനി ലീല (59), പൂജപ്പുര സ്വദേശിനി ജൈനാമ്മ (66), പൂജപ്പുര സ്വദേശിനി ഫാത്തിമ (65), ഒറ്റശേഖരമംഗലം സ്വദേശി മണികുട്ടന് (47), പയനീര്കോണം സ്വദേശി ജയന് (43), തോന്നക്കല് സ്വദേശിനി ജഗദമ്മ (74), തിരുവനന്തപുരം സ്വദേശി ദാസന് നാടാര് (90), പുതുക്കുറിച്ചി സ്വദേശി കമാലുദ്ദീന് (70), പൂവച്ചല് സ്വദേശി അഹമ്മദ് ബഷീര് (71), കൊല്ലം കാരിക്കോട് സ്വദേശി കണ്ണന് (88), ആലപ്പുഴ ഓച്ചിറ സ്വദേശി ബഷീര് കുട്ടി (67), ഇടുക്കി കട്ടപ്പന സ്വദേശി ജാന്സി ജോസഫ് (54), മലപ്പുറം കോരാപ്പുഴ സ്വദേശി ഫാത്തിമ (56), നിലമ്പൂര് അബു (76), നിലമ്പൂര് സ്വദേശി ഹംസ (77), മാമ്പാട് സ്വദേശിനി പാത്തുമ്മ (75), ഒതലൂര് സ്വദേശി ഹംസ (80) എന്നിവരുടെ മരണം കോവിഡ് മൂലമാണെന്ന് സ്ഥിരീകരിച്ചു.
Most Read: മലയാളി മാദ്ധ്യമ പ്രവർത്തകന് എതിരെ രാജ്യദ്രോഹ കുറ്റം ചുമത്തി യുപി പോലീസ്
ഇന്ന് രോഗം ബാധിച്ചത് 98 ആരോഗ്യ പ്രവർത്തകർക്കാണ്. തിരുവനന്തപുരത്തും എറണാകുളത്തും ഇന്ന് 20 ആരോഗ്യ പ്രവർത്തകരും, മലപ്പുറം 12 ആരോഗ്യ പ്രവർത്തകരും, കൂടാതെ കണ്ണൂർ 11, കാസർഗോഡ് 10, പത്തനംതിട്ട 09, തൃശ്ശൂർ 07, കൊല്ലം 05, പാലക്കാട് 02, വയനാട് 02 എന്നിങ്ങനെയാണ് ആരോഗ്യ പ്രവർത്തകരുടെ രോഗബാധ. ഇത് കൂടാതെ, എറണാകുളം ജില്ലയിലെ നേവൽ ബേസിൽ 06 ജീവനക്കാർക്ക് കൂടി രോഗം സ്ഥിരീകരിച്ചു.
സംസ്ഥാനത്തെ കോവിഡ് പരിശോധന: കഴിഞ്ഞ 24 മണിക്കൂറിനിടെ 73,816 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് എന്നിവ ഉള്പ്പെടെ ഇതുവരെ ആകെ 33,40,242 സാമ്പിളുകളാണ് പരിശോധനക്കായി അയച്ചത്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 2,10,648 സാമ്പിളുകളും പരിശോധനക്കയച്ചിട്ടുണ്ട്.
ഇന്ന് സംസ്ഥാനത്ത് ഒഴിവാക്കപ്പെട്ടത് 12 ഹോട്ട് സ്പോട്ടുകളാണ്; ഇനി 720 ഹോട്ട് സ്പോട്ടുകളാണ് സംസ്ഥാനത്ത് ഉള്ളത്. ഒഴിവാക്കപ്പെട്ട ഹോട്ട് സ്പോട്ടുകളുടെ പേര് വിവരങ്ങൾ ലഭ്യമായിട്ടില്ല.
Must Read: സുശാന്തിന്റെ മരണ ദിവസം ഉണ്ടാക്കിയത് 80,000 വ്യാജ സോഷ്യൽ മീഡിയ അക്കൗണ്ടുകൾ
സംസ്ഥാനത്തിന്റെ വിവിധ ഭാഗങ്ങളിലായി ഇന്ന് നിലവില് വന്നത് 14 ഹോട്ട് സ്പോട്ടുകളാണ്; പത്തനംതിട്ട ജില്ലയിലെ ചെറുകോല് (1), പത്തനംതിട്ട മുന്സിപ്പാലിറ്റി (22, 23), കുളനട (സബ് വാര്ഡ് 10), ആലപ്പുഴ ജില്ലയിലെ എടത്വ (സബ് വാര്ഡ് 9), കോടംതുരത്ത് (5), തൃശൂര് ജില്ലയിലെ എരുമപ്പെട്ടി (13), വെങ്കിടാങ് (7, 15), തിരുവനന്തപുരം ജില്ലയിലെ ഒറ്റൂര് (1), വെങ്ങാനൂര് (16), കോട്ടയം ജില്ലയിലെ കുറുവിലങ്ങാട് (1), എറണാകുളം ജില്ലയിലെ കൂത്താട്ടുകുളം (സബ് വാര്ഡ് 14), പാലക്കാട് ജില്ലയിലെ കരിമ്പുഴ (13), കാസര്ഗോഡ് ജില്ലയിലെ കുമ്പഡജെ (4), കണ്ണൂര് ജില്ലയിലെ കുറുമാത്തൂര് (9) എന്നിവയാണ് ഇന്ന് നിലവിൽ വന്ന പുതിയ ഹോട്ട് സ്പോട്ടുകൾ.
2922 പേരെ ഇന്ന് ആശുപത്രിയില് പ്രവേശിപ്പിച്ചിട്ടുണ്ട്. ഇനി വിവിധ ജില്ലകളിലായി 2,67,834 പേരാണ് നിരീക്ഷണത്തിലുള്ളത്. നിരീക്ഷണത്തിലുള്ളവരില് 2,38,331 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 29,503 പേര് ആശുപത്രികളിലുമാണ്.
Related News: കോവിഡിനെ ആയുർവേദം കൊണ്ട് തുരത്താം; പുതിയ മാർഗരേഖ പുറത്തിറക്കി
