മസ്കറ്റ്: ഒമാനില് കോവിഡ് ബാധിച്ച് കോഴിക്കോട് സ്വദേശിനിയായ നഴ്സ് മരണപ്പെട്ടു. ഒമാനിലെ റുസ്താഖ് ആശുപത്രിയിലെ സ്റ്റാഫ് നേഴ്സും കോഴിക്കോട് കൂട്ടാലിട നരയംകുളം സ്വദേശിനിയുമായ രമ്യ റജുലാല് ആണ് മരണപ്പെട്ടത്. 32 വയസായിരുന്നു.
കൊവിഡ് ബാധയെ തുടർന്ന് ചികിൽസയിൽ കഴിയുകയായിരുന്നു രമ്യ. വെന്റിലേറ്ററിന്റെ സഹായത്തോടെ കഴിഞ്ഞ ഏതാനും ആഴ്ചകളായി ജീവന് നിലനിര്ത്താനുള്ള ശ്രമത്തിലായിരുന്നു ആരോഗ്യ പ്രവര്ത്തകരെങ്കിലും രക്ഷിക്കാനായില്ല. ചികിൽസക്കിടെ ഡയാലിസിസ് നടത്തിയിരുന്നെങ്കിലും ഓക്സിജൻ സാച്യുറേഷന് കുറഞ്ഞത് ആരോഗ്യനില വഷളാക്കുകയായിരുന്നു.
കോഴിക്കോട് എകരൂല് സ്വദേശിയായ റജുലാല് ആണ് ഭര്ത്താവ്. ഒരു മകളുണ്ട്. നേരത്തെ കോഴിക്കോട് സ്വകാര്യ ആശുപത്രിയിലും രമ്യ നഴ്സായി പ്രവർത്തിച്ചിരുന്നു.
Read Also: മൃതദേഹം വിട്ടുനൽകാത്ത സ്വകാര്യ ആശുപത്രികള്ക്ക് എതിരെ നടപടി; തിരുവനന്തപുരം കളക്ടര്