മുംബൈ: രാജ്യത്തെ ഇന്ധനവില വര്ധനവില് പ്രതിഷേധിച്ച് യൂട്യൂബര് ധ്രുവ് റാഠി. കഴിഞ്ഞ 70 വര്ഷങ്ങള് കൊണ്ട് കോണ്ഗ്രസിന് സാധിക്കാത്ത കാര്യം നരേന്ദ്രമോദി നടപ്പിലാക്കി എന്നാണ് ധ്രുവ് റാഠി ട്വിറ്ററിലൂടെ പറഞ്ഞത്. മധ്യപ്രദേശിലും രാജസ്ഥാനിലും പെട്രോള് വില നൂറ് രൂപയിലേക്ക് സാഹചര്യത്തിലായിരുന്നു അദ്ദേഹത്തിന്റെ വിമര്ശനം.
‘രാജസ്ഥാനിലും മധ്യപ്രദേശിലും പെട്രോള്വില 100 കടന്നു. കഴിഞ്ഞ 70 വര്ഷത്തിനിടെ കോണ്ഗ്രസിന് സാധിക്കാത്ത കാര്യം മോദിജി നേടിയിരിക്കുകയാണ്’, ധ്രുവ് റാഠി ട്വിറ്ററിലെഴുതി. അതേസമയം ഇന്ധനവിലയിൽ തുടർച്ചയായി 12ആം ദിനവും ഉയർച്ച തുടരുകയാണ്. പെട്രോൾ ലിറ്ററിന് 31 പൈസയും, ഡീസൽ ലിറ്ററിന് 34 പൈസയുമാണ് ഇന്ന് കൂടിയത്.
ഇന്ധനവിലയിൽ ഉണ്ടാകുന്ന ഉയർച്ച മൂലം രാജ്യത്ത് ഭക്ഷ്യവസ്തുക്കൾ ഉൾപ്പടെയുള്ള അവശ്യ സാധനങ്ങളുടെ വില കത്തിക്കയറുകയാണ്. വിരലിലെണ്ണാവുന്ന ദിവസങ്ങൾ കൊണ്ടാണ് മിക്ക ഉൽപ്പന്നങ്ങൾക്കും ഇരട്ടിയിലധികം രൂപയുടെ വർധന ഉണ്ടായിരിക്കുന്നത്. ഇതെല്ലാം പൊതുജനങ്ങളുടെ ദൈനംദിന ജീവിതത്തെ കാര്യമായി തന്നെ ബാധിക്കുന്നുണ്ട്.
Read also: പോലീസിനെ കയറൂരി വിട്ടതിന്റെ ഫലം; യോഗിക്കെതിരെ അഖിലേഷ് യാദവ്