ന്യൂഡെൽഹി: രാജ്യത്തെ എല്ലാ സ്ത്രീകൾക്കും മാസംതോറും നരേന്ദ്ര മോദി സർക്കാർ 2000 രൂപ വീതം നൽകുന്നു എന്ന തരത്തിൽ സോഷ്യൽ മീഡിയയിൽ പ്രചരിക്കുന്ന വാർത്തയോട് പ്രതികരിച്ച് പ്രസ് ഇന്ഫര്മേഷന് ബ്യൂറോയുടെ ഫാക്ട് ചെക്ക് വിഭാഗം (പിഐബി ഫാക്ട് ചെക്ക്). ഇത്തരത്തിൽ ഒരു പദ്ധതിയും കേന്ദ്ര സർക്കാർ ആരംഭിച്ചിട്ടില്ലെന്നും പ്രചാരണം വ്യാജമാണെന്നും പിഐബി വ്യക്തമാക്കി.
“ഒരു യൂട്യൂബ് വീഡിയോയിൽ കേന്ദ്രസർക്കാർ നടപ്പിലാക്കുന്ന പ്രധാൻ മന്ത്രി മഹിളാ സമ്മാൻ യോജന പദ്ധതി പ്രകാരം എല്ലാ സ്ത്രീകൾക്കും മാസംതോറും 2000 രൂപ വീതം നൽകുന്നതായി അവകാശപ്പെടുന്നു. ഈ അവകാശവാദം വ്യാജമാണ്, ഇത്തരത്തിൽ ഒരു പദ്ധതിയും കേന്ദ്രസർക്കാർ നടപ്പിലാക്കിയിട്ടില്ല”- പിഐബി ഫാക്ട് ചെക്ക് ട്വീറ്റ് ചെയ്തു.
दावा: एक #Youtube वीडियो में दावा किया जा रहा है कि केंद्र सरकार द्वारा ‘प्रधानमंत्री महिला सम्मान योजना’ के तहत सभी महिलाओं को प्रति माह ₹2000 दिए जा रहे हैं।#PIBFactCheck: यह दावा फर्जी है। केंद्र सरकार द्वारा ऐसी कोई योजना नहीं चलाई जा रही है। pic.twitter.com/XCizxFIypF
— PIB Fact Check (@PIBFactCheck) November 19, 2020
‘സര്ക്കാരി അപ്ഡേറ്റ്‘ എന്ന യുട്യൂബ് ചാനലിലൂടെയാണ് ഈ വ്യാജ പ്രചാരണം നടക്കുന്നത്. രാജ്യത്തെ എല്ലാ സ്ത്രീകള്ക്കും ഈ ധനസഹായത്തിന് അര്ഹതയുണ്ടെന്നു പറയുന്ന വീഡിയോയിൽ അപേക്ഷയിലെ ചെറിയ തെറ്റുപോലും അപേക്ഷ നിരസിക്കാന് കാരണമാകുമെന്ന മുന്നറിയിപ്പും നൽകുന്നുണ്ട്. പണം നേരിട്ട് ബാങ്കിലേക്ക് എത്തുമെന്നാണ് വീഡിയോ അവകാശപ്പെടുന്നത്.
Also Read: ട്രാൻസ്ജെന്ഡേഴ്സിനെ ഒബിസി പട്ടികയില് ഉള്പ്പെടുത്താന് കേന്ദ്ര സര്ക്കാര് നീക്കം